fami dkf - kifech nensek lyrics
و كان تعرف قدّاش واجعني انا ضلامي
قدّاش الخوف يجري بين أحضان أيامي
كانت عندي حلمه قتلوها في وسط منامي
زرعو فيّ الشّوك مانجّمش نضمّك لاحضاني
في بالك فرحان كيف ماريتش دموعي
نغنّي بين النّاس و الجمره تغنّي بين ضلوعي
نار البعد تكوي حرقتلي اغصان شموعي
و الشمعه تبكي لليل طفاتها دموع همومي
سامحني لو كان جرحتك مرّه انا في كلامي
الاوجاع تقول معاني مُرّه هيّ في لساني
مشيت لبعيد خفت عليك من ضلامي
لو كان بقيتلك ذكرى حزينه… حاول تنساني
بين شوارع مجروحه القسوه فاها زحمه
في وسط قلوب مذبوحه نلوّج نلقاشي رحمه
كي كنا اولاد صغار قليل شكون فيهم نصحنا
عطيناهم أحنا الثقيه و بالثيقه أحنا تذبحنا
في ليالي البعد نكتب في غنايه
بين معاناها —– ورقه حروفها مرايه
مرايه عكست الضوء موجود هو في سمايا
وسمايا تغلي نجوم ذكرى للاجيال الي جايّه
طال غيابي ، ما تقولش عجبو الابعاد
خوفي لا دموعك تغنّيلي فات الميعاد
خلّني نغنّي بالكشي تفهم انتِ افكاري
و تعرف فهمي لدموعك ، كان فهمو غالي
كي هبطت منّك دمعه ثارت احزاني
كي دارت بيك الضّلمه هاجت المعاني
مانحبّش الّي بنيتو سنين قدّام عينيّا يتهد
وكان الدنيا احزان ، عشت معاها النّد للنّد
كره و خوف و زور بيناتنا ولا عدوى
نعيشو في اغلاط و الناس في الماضي كانت قدوى
في دنيا غداره العذاب فيها يتغنّى
نتمنالك انا الخير مانيش ضامنها جنّه
عينيها حكاياتي احزانها دمعاتي
حروفي كي شافت ضحكتها غنّات اهاتي
كيفاش ننساك و انت علّمتني الغرام
كيفاش ننساك و انا بيك نقاوم فالامرار
في بعادك القلب حزين وحدو يعاني
ماتخافش على دموعي وحدي نبكي دخلاني
كمشه ذكرايات في عزّ اللّيل هيّ ترعاني
يا غنايه طير مع الرّيح و خبّرها على حالي
وين نعيش ، الغدر ياما بكّى خواتي
بيني و بين الدنيا ثار نفديه لذاتي
رزابي قدّامي مفروشه مشتاقه لصلاتي
يا عالي يا الله سامحني كان كثرت اغلاطي
طال ليالي البعد وانت ديما في بالي
نخاف نبقى ذكرى حزينه مع الايام تنساني
ماني الاّ غنايه في ضلمه خرجت للضّي
و كان وصلتك الغنايه ، يا نجمه راني حي
fb/fami.dkf
Random Lyrics
- l'armée des 12 - les 12 lyrics
- lil skullkid - bleach stains lyrics
- red hour - rhetoric lyrics
- casting crowns - if we've ever needed you lyrics
- roger - geht's dir gut? lyrics
- afflictive nature - the swarm lyrics
- de lyckliga kompisarna - fina vita kläder lyrics
- crown city collective - elwood flow lyrics
- eldo - list z ziemi lyrics
- josh kumra - don't go lyrics