faraj suleiman - خلّصنا غناني | melodies no more lyrics
خلّصنا غناني
بدنا نحرق الألبوم
نمحي منه صور الذاكرة
نمنع تصوير اليوم
صار الوقت نشلح
صار الوقت نسبح
لازم تغرق هالباخرة
لازم نقلع عين النوم
خلّصنا غناني
مَ غنينا كفاي
ندبنا عَ الي راح
وتمنينا الي جاي
خلّصنا غناني
مَ المستقبل أطرش
سكّرنا المسارح
مَ الوهم حبطرش
خلّصنا غناني
دفّعنا الموسيقى خاوى
طلبنا كريم برولي
بس مش عم بيجي غير بقلاوة
خلّصنا غناني
هذا أعظم إنجاز
الأمريكان حرقوا شيكاچو
وإحنا حرقنا الجاز
خلّصنا غناني
بدنا نهاجر عَ برلين
بعد الشهر الثاني هناك
منكتب بوست عن الحنين
خلّصنا أغاني
مات الحب عنّا كفاي
عنّا صار وجهك أحلى
لما انكسرت لمراي
صار الوقت نشلح
صار الوقت نسبح
لازم تغرق هالباخرة
لازم نقلع عين النوم
خلّصنا غناني
سكّرنا تم الكروان
بطّل في لمين تدعي
عمّك نيتشة قتله زمان
خلّصنا غناني
نشّف ورد الأكاليل
نسينا أسماء الي عاشوا
واحنا متنا باسرائيل
خلّصنا غناني
سجّلنا جسمِك بالطابو
رسمنا الغيم مكعّب
حجّبنا عقول الي سابوا
خلّصنا غناني
سكّتنا ايقاع القلب
اوعى تحس تحب تفكّر
اوعى تغرّد برّا السرب
خلّصنا غناني
بدنا نحرق الألبوم
نمحي منه صور الذاكرة
ونمنع تصوير اليوم
صار الوقت نشلح
صار الوقت نسبح
لازم تغرق هالباخرة
لازم نقلع عين النوم
Random Lyrics
- davey suicide - animal lyrics
- dža ili bu - diktatore lyrics
- rakova - romania lyrics
- tvxq! - manipulate lyrics
- slaughter beach, dog - parole song lyrics
- vance joy - mess is mine (live at red rocks amphitheatre) lyrics
- gamis pepela (pop) - miha lyrics
- krista muir - on the cities lips lyrics
- unaverage gang - torment lyrics
- nuria afonso - phone cap lyrics