a b c d e f g h i j k l m n o p q r s t u v w x y z 0 1 2 3 4 5 6 7 8 9 #

findlay napier & the bar room mountaineers - lambkin lyrics

Loading...

[verse 1]
lambkin wis as guid a mason
as ever hewed a stane
he built lord wearie’s castle
and payment got nane

[verse 2]
the lord said tae the lady
ere he gaed abroad
“beware, beware o lambkin
that lives in yonder wood.”

[verse 3]
but the nursie wis as fause a limmer
as e’er hung on a tree
she’s laid a plot wi lambkin
whan her lord wis ower the sea

[verse 4]
she’s laid a plot wi lambkin
whan the servants war awa
lat him in, lat a little wee windae in
and brought him tae the haw

[verse 5]
“whaur’s the lady o this hoose
that caws me lambkin?”
“she’s in her bower sewin
but we suin can bring her doun.”
[verse 6]
lambkin’s taen a lang knife
that’s hung doun by his gare
and he haes gien yon bonnie bairn
a deep wound and a sair

[verse 7]
lambkin, he’s rocked
and the fause nursie sang
and frae ilka bore o the cradle
the red bluid oot it ran

[verse 8]
oot spak the lady
at the tap o the stair
“whit ails my bairn, nursie
that he’s greetin sae sair?”

[verse 9]
“still the bairn, nursie
still him wi the pap,”
“oh, he’ll no be still, lady
nor for this, nor for that.”

[verse 10]
“still the bairn, nursie
still him wi the bell,”
“oh, he’ll no be still, lady
til ye come doun yersel.”
[verse 11]
first step she steppit
she steppit on a stane
and the neisten step she steppit
she met wi lambkin

[verse 12]
“oh, mercy, mercy, lambkin
hae mercy upon me
ye hae taen my ain bairn
nou lat me be.”

[verse 13]
“oh, sall i k!ll her, nursie
or sall i lat her be?”
“aye, k!ll her, k!ll her, lambkin
for she ne’er wis guid tae me.”

[verse 14]
“scour the basin, nursie
scour it fair and clean
for this lady’s heart’s bluid
for she comes o n0ble kin.”

[verse 15]
twa, three months have passed and gaen
lord wearie he’s come hame
aye and dowie, dowie wis his hert
as first he’s gaed in
[verse 16]
“whase bluid is this,” he says
“that lies in my chaumer?”
“it is yer lady’s hert’s bluid
it’s as clear as the lammer.”

[verse 17]
“and whase bluid is this,” he says
“that lies in ma haw?”
“it is yer bairn’s ain hert’s bluid
it’s clearest ava.”

[verse 18]
bonnie, bonnie sang the lintie
oot o a th+rny break
and sair grat nursie
when burnin at the stake

[verse 19]
bonnie, bonnie sang the lintie
oot o a th+rny tree
and sair grat lambkin
when he was condemned tae dee

- findlay napier the bar room mountaineers lyrics

Random Lyrics

HOT LYRICS

Loading...