a b c d e f g h i j k l m n o p q r s t u v w x y z 0 1 2 3 4 5 6 7 8 9 #

fischermätteli hood gäng - zäme simr gfährlech lyrics

[verse 1 + frank punk]
ds isch für di, wo ufem land wohnt
wod froh bisch um d kapuze
wüu dr bahnhof ghört dä faschos
und wüus uffaut wi du usgsehsch
für di, wo nid cha schlafe
und dr drang het sich z’betöibe
z’villech schlimmschte am verschuudet si
isch dass me nüm darf tröime
für di, wo ufem heiwäg
dr pfäfferspray närvös häbt
es wär viu z’gfährlech
di so a’zlege wid di schön fändsch
für di, wo unsicherheit sofort agressiv macht
für aui mitme vater
wo nid da isch oder drischlaht
für di, wo geng muess starch si
wüu sit zwe monat wartisch
uf psychiatrischi beratig
i hoff’ dass du denn no da bisch
für di, wo nur no d’wau het
zwüsche chlaue und verchoufe
im bewusst si, s’wird uf zäuä
und nid paume useloufe
und für di wo sech im stundelohn
muess chrankschribе
und d’versicherige tragе gar nüt
aus gängs um ihri bandschibe
für au wo villech dänke
d’wäut wär nid z’verändre
chlyni tropfe wärdä wäuä
gloub mer zämä simer gfährlech
[hook + noa goa]
ohni brämspedau dür d näbuwand
us üsne träne wachst e rägewaud
und us gägenang wird zämehaut
us üsne träne wachst e rägewaud
das isch für di, für di u für di
i bi bi dir, i bi bi dir u bi dir
das isch für di, für di u für di
i bi bi dir, i bi bi dir u bi dir

[verse 2 + poul soul]
ds isch für di
wo ke ungerstützig het ir schu
wöu dini eutere si müed
und ihres dütsch isch zweni guet
für di, wosech z schaffe afüeht
wine schlächte troum
doch sone job findsch kes zwöits mau
mit däm läbenslouf
für di wos normau isch
ds niemer näb dir absitzt
u geng we di nachname seisch
so komisch glacht wird
drohige vo n+z+s
du lütisch nid dr schmier a
wöu si kennesech vom stammtisch
kennesech vom schiessplatz
für di, vo auem und aune verlah
wo jede tag parkiert wird
im autersheimgang
apathisch usem fänster
ufs nachbershuus starrt
u d’jahr füehle sech a
wines warte ufs ga
für di, wo früecher gloubt het
dass me aues cha si
und’s ize nid cha gloube
dass ds aues cha si
für aui die, wo unger au däm lide
mir si nümme machtlos
am tag, wo mir ä bande biude
[hook + noa goa]
ohni brämspedau dür d näbuwand
us üsne träne wachst e rägewaud
und us gägenang wird zämehaut
us üsne träne wachst e rägewaud
das isch für di, für di u für di
i bi bi dir, i bi bi dir u bi dir
das isch für di, für di u für di
i bi bi dir, i bi bi dir u bi dir

- fischermatteli hood gang lyrics

Random Lyrics

HOT LYRICS