fokir lal miah & shutter speed - waarfaar lyrics
[intro: mrds]
ইতা কিন্তু হিতা নায়, আর হিতা কিন্তু ইতা নায়
এখ লাখান দেখতে কিন্তু, সিটি গোল্ড তো সোনা নায়
হাছা খইরাম মিছা নায়, খরাত আমরা মাতাত নায়
আগডুম বাগডুম ফিল্ডও থাখলে, সিলেটি রেপ জমতো নায়
ফানা, ফানা ফিল্লাহ্!
[verse 1: mrds]
যাও বেটাইন বিটও যাও, bar দেখি খয়টা গাও
গোল দেখি খয়টা দেও, আর গোল দেখি খয়টা খাও
অবায় হবায় কিতা চাও, খেলা শুরু দেইক্কা জাও
ছাইন্না দিছি যেতা আমি, অতা তোমরা ছুইয়া খাও
rapper অখন ভাইভাই, ভাইভাইয়ে মিল নাই
rapper যেগু যেনো ফাইমু, অনো ধইড়া খাছা খাই
আমার হিসাব সুজা খতা, ইনো কোনো খাতির নাই
মানুষ বুইজ্জা ঘগাত ধরি, মানুষ বুইজ্জা আত মিলাই
সম্মানিত বড় ভাই, অখন তুমি গেলায় কুয়াই
খালি মাঠো গোল দিলাইছইন আম্রা ভাই আর তাম্রা ভাই
লাটুম ঘুরা ঘুরবায় ফুয়াইন, অখন ফারলে মাঠো আইছ
গোদাম ভরা বাদাম আমার, মাগনা আইয়া খাইয়া যাইছ
খানা নৌকা ফাটা বইঠা হুকনা গাঙ্গো বাইরা
rap রাইক্কা ট্রেইনার অইয়া ফাউডার মাউডার বেছরা
হাল্কার মাঝে দিরাম ভাইসাব মাইন্ড খরবা না নেউক্কা
ওয়ারফার অইবো লাগলে বারি সহ্য করছি বউত্তা!
[verse 2: headmaster]
খরি bomb তৈয়ার ঘরো বইয়া, ছাড়ি আইয়া মাইকো
hit করি যেবলা, মারইন ছিল্লানি মাইগগো
fit আমরা সব field ও, beat দিয়া দেইক্কো
লাগা স্পিকার ও ওয়ারফার, আর ঘর দুয়ার খাফতো
তুরা অনলাইন ওর গ্যাংস্টার, ফেকেট ওর প্যানথার
৪০ গু এখবায়, আমরা ৪ জনেউ ওয়ারফার
খান ও, বাজলে বুঝতে, word খার, জালাইয়া ছারখার
মাইক ওর সামনে উবাইলেউ, বেট্টাত্তি ব্যাংগার!
খানগরাত থাবা নায়, ঠাশ খরি ভার্স মারি
ভাই তর saitama, “one punch” এউ গেম শেষ খরি
আতো আমার খলম নায়, লাগের লইসি তরবারি
সামনে আইল্লে দুশমন, মাতার আগেউ মারি ধুম বারি
মাত মাতইন বহুত বড়, খাম ওর খাম ও কেউ নায়
ছরখাতো ফরিযিবায়, আইলে এখবার লাগতায়
গরম আমরা আগতায়, আত দিলে আত ফুরবায়
সাইরেন বাজে এখবার অউ, সময় রইতে ভাগতায়!
[verse 3: jibon]
আমি ফেঞ্চুগঞ্জি rap ওর গুন্ডা, আইয়োনা খেউ আগে
ফরে এমন ফারা ফারমু, যেলা ফারে বন ওর বাঘে
আমার সামনে তুই ফরিছ না বেটা, মিশিন রাখি লগে
তরে যেনো মারমু ফালাইল থাকবে ধইয়া নিবো মেঘে
আমি bars দি খতো মা+ডার খরছি গণার সময় আছে নি?
তুই রাস্তা ঘাঠে তালি দিরে, জিনিশ যাগাত আছে নি?
নেতা খেতার ফাও চাটিয়া গুন্ডামি তুই দেখাছ নি?
আইজ লামছি মাঠও, দেইক্কো তুমরার খল্লা যাগাত থাখে নি!
জীবন অর আত মাইকো, মানে কেরিয়ার তোর ছাড় খার
যেতা খাইয়া ফালাই দিছি, অতাউ খাইরায় বার বার
বহুত দিন থাকি দেখরাম ইতা হিয়াল কুত্তার খার+বার
ঠেলার লগে হামাইবো bars, বারই যিবো ওয়ার ফার!
ফনরো+বিশ গু খম অইগেছ বে আরো লইয়া আয়
বাগ্না নিজর মাথায় খেলার না, আর ভাংগা নৌকা বায়
নিজে rapper দাবি খইরা, দেখি রিমিক্স মাইরা খায়
আমরা রানছি আজকে ওয়ারফার, বাগ্না খাইতে নি তুই আয়!
[verse 4: fokir lal miah]
হি দিন আর দিন নায়, দিন আয় আর দিন যায়
হউ দিন ওর আশায় বইয়া লাল ফকির এ বাড় ছায়
বাঘ কুত্তায় বেঙ্গা! খিয়াল খরলে দেখবায়
বাঘর থাবা যাগা মতো কুত্তায় খালি বেউক্কায়
হুনবায় তে গাই, যেবলা রানছো তে খাই
এবলা বুচ্ছনি? অইছে নি? না বুঝলে নাই
আমার লাল বাত্তি নাই, আমার নীল বাত্তি নাই
আমরা বার মাইরা, দাও ধইরাড় rap scene খাফাই
বিশ বছর তুমরারে র্যাপ গান হুনাইয়া
কিতা ফাইছি আমি নিজে জানি না
মন তাকি বালা ফাইয়া তোমরার লাগি
যা খরছি ওখন ইতা খরিনা
বালা বুরা বুঝো যেবলা করছি না খও কিলা
খও কিতা ওউ কিতা মাতিলিলায় কিলা ইলা?
খুলা মেলা খরি খইরাম আগে আছিল সাদা খালা
লাল ভাইয়ে রং মাইরা সিন দিছে লাল খইরা
হারামজাদা বাটফার! আসামি আইজ গ্রেফতার
টাইব্রেকারে আরাই লিছে বাংলাদেশর সরকার
আমি বেটা নিজে আটখা খাম নায় বেশি মাতবার
নামলে মাঠো খইয়া খরি ফারিসিরি ওয়ারফার!
[outro: jibon]
দেখবায় সবতা আইয়া ছানে
মনাই, কেরামতি জানে
মাইগগো!
উফরে উঠো ধরছি খইয়া
ঠেঙ্গো ধরি টানে!
Random Lyrics
- ignite gki - haleluya! berbahagialah orang benar (mazmur 112) lyrics
- emoslut666 - на крови (bonus) (on the blood) lyrics
- the wiggles - stop at the lights, look both ways lyrics
- dr. nick - in the morning lyrics
- neşe karaböcek - uykudamısın sevgili yarim lyrics
- dodo nyoka - jannaman lyrics
- will santt - lamento de deus lyrics
- maddie & tae - down that road lyrics
- jazmín esquivel - nunca te tuve lyrics
- sindolls - meet & greet lyrics