a b c d e f g h i j k l m n o p q r s t u v w x y z 0 1 2 3 4 5 6 7 8 9 #

freekence - hess takalid / حس التقاليد lyrics

[حديث جانبي 1]

[المقطع الأول : تشيسطا الباز]
bien serrée واش من تقاليد ابار قهوة
فم بلادي رشاو سنّيه مادام الرجال ولات تلبس المسيري
مام السبت ولى ويكاند كي ولى البور يضرب فيه البحري
كي ولّى وليد شهيد يتقوعر عليه وليد المهري
كثروا الدعايات ، ما نقلبوش الفيستا
حنا تاع سرافت و خفيف ، تاع كباش تاع قيرة
تاع خفاف ، تاع حنة في عيد
تاع تقيال ، فيلم تركي ، تاع سلام خاطينا التسلام
كي تجوز علينا بنت الحومة نقولولها واش راكي
كي تشطح ما ترميش المحارم عالطرقان
لوكان ما نعرفش كرموس بلادي نقول بنان
وين راهي الخبرة و التجربة تاع بلومي و ماجر
كي ولّى زياني بمنقوشتو يدير لي زافير
ايا انسطالي معانا تشم ريحة الطعام بالجمعة
وين يكون المحتاج يحتاج نديرولو اللّمة
مازال قلبي حي و مازال تطيح الدمعة
ما زالني مقيوس حسّاس كي نسمع الشيخ بوجمعة
المجاهدين تيراو بالنحاس ماشي شيعة بلا شبعة
مي باش تريح في التاريخ
نتا الدزيري لي ما يرونديش كي يديرولو النشعة
قولي آ ؟ كيفاش تريح في التاريخ و نتا التقاليد تعفسها
هز خبي موسيقتي و تسمع حسها
تشيسطا الباز أنا الـصقر لي يجي مور الدفرة

[حديث جانبي 2]

[اللازمة : تشيسطا / أوستيل]
وين راي التقاليد؟
فكاش جمل عطشان شربولو الإيفري
ما شكيتش بالألوان لي ما كانتش في التلفاز بكري
مالا ويــــــن رايـــــــــى التقاليد؟

[حديث جانبي 3]

[المقطع الثاني : كابس]
التقاليد راحت فاتت مضات عدات
ماتت و رشات بقات آثار و حكايات
لا حنا لا لي من بعدنا
لا تسّنا غير تهنّا وين طحنا
راحلنا الحايك و العجار ملي ولّى التزيار
مالنا ملّينا ؟ بدّلنا عشقنا في الحلّة
سرنا ، سكرنا ، بعّدنا عالجنة
باركنا عالجديد ، بعنا التقاليد
المفيد : غير لي يبعدنا و نتبعوه
لي رمانا بعيد و كل شي قديم كرهتوه
بالبلوزة هربنا على لابوس
رمينا بلعة ، قشابية و البرنوس
الحايك و العجار بالموس
ذبحنا هاذ الكنوز لي ولاّت آثار
وين تسير وين تجوز
راحت الحنة ، ادّات معاها البركة و البنّة
لي ولاّت فلوس

[حديث جانبي 4]

[اللازمة : تشيسطا / أوستيل]
وين راي التقاليد؟
فكاش جمل عطشان شربولو الإيفري
ما شكيتش في الألوان لي ما كانتش في التلفزة بكري
مالا ويــــــن رايـــــــــى التقاليد؟

[المقطع الثالث : أوستيل]
القديم كرهتوه ، و الجديد تاع القوراديتوه
كرهتوا دزاير ، القدر تاع دياركم طلقتوه
واش من تقاليد مع الظلم و الحقرة
الزمان بلا سترة ، الوقت ما يخلّيكش تشفى عـ لي فاتْ
و الإرهاب و الموت في هاذ البلاد عندهم ذكرياتْ
خويا لعزيز نخلّيك تشفى
باش نتا تتمنّى تخلّي معيشة الذل و الفم بلا سنّة
حنا في التقاليد ما عندناش ؟؟؟ عندنا الشمة
القديم تلقاه في الغنا ، الزمان راح و ادا معاه الزرنة
علاه تحوّس عالجديد إذا كان بلا قشرة
القديم ديالنا ما فيهش الصديد ، ما فيهش العيب
التقاليد تاعنا فيهم الحرمة
و إذا كان عندك أصل أدّيهْ معاك ما تخلّيهش يرشى
مام في تعمار الرّاس ما تخلّيش الناس تقول عليك فرشة
أقرا التيتر و اشفى
خلّيه في جيبك باش ما تصرف منّو حتّى حرفة

[حديث جانبي 5]

[مقطع تمهيدي : تشيسطا الباز]
آه يا عمّي مراد وقتنا و وقتكم ماشي كيف كيف
مي مازال ناس عندها النيف
تحب البلاد و التقاليد
الله غالب واش تحب
مام في الفجر راح صوت الديك

[المقطع الرابع : تشيسطا الباز]
راح صوت الديك في الفجر
وين راي التقاليد لي كانت ترضّع في الحجر
انا عفت التحلاب كي ولى الكافي يقول انا مقشر
!! أحشم
واش جاب ؟؟؟ بريكة ، راب بومرداسي للبوراكة
التقرويس في التران ، ريسك منقوط غير بالدعاوي و البراكة
مام نمشط شعري بالبروصة
مام أنا نجلجل
الجديد ما طحتش برك مع الشتا اللخرة
هاك التقاليد تسمع حسها
خاطرش لي يروح خير من لي يجي
الله غالب لي ما يوالمو الصّبّاط يوالف بالحفا
رانا هاربين و قليل لي خلاّ الحرفة
قليل لي خلّي الحرفة
الجديد حبّو و القديم ما تفرّط فيه
!! بالك برك ترميه
من عندي و من عندك تنطبع
من عند واحد اخر تنقطع
……البودي تاع نـ
ماشي البرنوس لي لازم يتقطّع

- freekence lyrics

Random Lyrics

HOT LYRICS