a b c d e f g h i j k l m n o p q r s t u v w x y z 0 1 2 3 4 5 6 7 8 9 #

gfox - fasla lyrics

ياعبيد شباب فد مل يدور فحلقه يراجي فحل
صبر وصبره كمل زي صبر اميه فبطن جمل
قلق علق وسط بلاد خراب ومافيها مايوكل

ارهاب تصدر اتفضل غير خود ساتر وكبر
فكره دقيقه وجيبه داره بيده ربي يزيده
الي امس تاير حر اليوم هالكنا بحديده
حترب زرطه صب فطلقه مات ومتسمي الشهيد
فمه رغاوي جرب اسأله … واستناه يفيق
جيب من يحكمها بعقله والدستور وديده مني
ينقش فالمعلومه قلمي فاهمني لي حاس بهمي
دمي ودم ندادي جف بالعرق ميت ونطير
فجرت الي صار ويصير فمسودة تحديد مصير
جيل تحت تراب تلاقا والي فوقه قعدو ضوقه
زي لحفر بير اميه جف اتغير بير سوداء
حتا يجف قلمي معاهم يتغير ونعاود تاني
حتا نموت نخلي دجي وماتسكت كلام لسني
بكلمة حق مابين سطور ركز اسمعني يادامي
الي نحبس فصدور قلمي كتبه قال لساني
نفس الظروف تشوف تنوش غير الفرحه نوش
ناس للقمر وصلت وانت تحلم تبني حوش . واني
فعكسه اتكيت عالحيط فغفوه حلمت بروحي نمت
حتا فحلمي مش متهني ندور فأي فلوكه نشد
بلاد غابه من غير شجر لاكن قانونها متفاعل
اشحط روحك باش تعيش مش مفعول لاكن فاعل
زي الصوف حياتنا تلقط نفض اسواء الظروف
واحد مالناس بعيني نشوف وشوف خود اللب بحروف
دور بدور الكاس يدور تلوم عالشباب يدوخ
ماتلوماش اعرف علاش ومناش فبلاده ومحقور
مقهور طبوه حبسوه ظلم فدار ظلام تعفن
مكفن بكاله اميمته زارط حكمة في ينفذ
يابلادي يابلادي … قويتي سعد الأعادي
كان كان خصمي القاضي غير قوليلي من بنقاضي
لي فيك و عندك داعش ناعش كل مره علي ذبحه نفيق
كل اسبوع رئيس جديد حديد مشفشف نجم جديد
لقط لحديد مافيش جديد جثث كل يوم تعفن
جيبك مالفلوس فاضي وماعبا غير الي يكفن
تسأل شاب شن طموحك عالهجرا يرقد وينوض
يقولك عشت هني مدلول وراضي حتا كلاني الحوت
راضي عادي نعيش غادي بروحي نطيح وانوض
بعرقي فلوسي فجيبي حاط وموكل ربي الي يصون
هدا لسان حال شباب واحد منهم سامع صووته
نشوفو فالعالم طااااير زي اليتاما قعدنا لوطه
شعب تغير طبعه يحير لدنيا حافظ مش فاهم
فالصح كلها يديها ترفع وفالشر كلها تساهم
علي طرف لساني كلامي والي نقال شفته بعيني
عالغلط الساكت شيطان . ايه هكي قال ديني
السيل ماعمره طريقه يغير هكي قالو ناس زمان
غير الناس نفوس تحير دارو شان للأنذال
لي معاهم … صباح وليل حياتي فموت تعافر
غاطس فادم من صغر السن الحال يصعب عالكافر
عايش مابين سلاح نميح فيه صنة الدم تفيح
يانركز يانميح بين ذخيره بصوت تصيح
كان بطيح تترفس حي زيك زي لقبلك طايح
حتا بتتسند حيط فوته لأن اساسه مايح
عيشه فمحور تحت نحاسهم كفيل يتم حياتي
تسعه شهور بحسبت ناجي ملك الموت فوذني ينادي
وفبالي لموتي واتي فليلي ندعي ربي يهدهم
تسعه شهور دعاوي حتا فعقلك صعب تعدهم
رزمات فنص الليل تزن اطيح ادير الزحمه
حرب بجمهور الشعب عشق الدم وناسي الرحمه
شماته فالميت والي مات شماته بناس رخاته
تشبح الاعاده فتسعه شهور تستاكه تقول شن هدا
شن هدا . مافهمتش شعب عشق الدم يعوم
فلان لي مات فسحبة تسع والي قتل ماحد يلوم
عايشن الدنيا بنفس اللون اكحل مافيه ماتركز
كيماوي وتسعه فخصر الشاب كل يوم فجريا يرفس
غلبان تقعد تترفس . ذلوك بصنف النوطو
تكمي مالهم تسف السم تشبح الايام يفوتو
تشبح وحدات ركبو تيوتا و تحت بلاك رصدنا
قواد فمصفح توا شمخ زمان فجريا قصدنا
رفسنا حديد شركنا لحم لقصدنا ربح الجوله
دارت الايام لقصدنا رفسنا حبسنا بسم الدوله
تفكير نبيش نحوله . رفسنا تعدت وتغلط
ماضيك يامليح تميح قصه طويله وانت تزبط
شباب نظاف فحشيه حيوط الشيلا علينا شاهد
بصانا اللاص ارجع بفلاش تلقا ماضيه ملبز
ارجع لزمان بفلان وفلان تو تلقا صدرا سابقه
لدف تراب لقلته ساد تو يزبط لما يطبس
قاعدا الولاد ترفس . الحديد لفيدك صدا
لدرته قده جاي برده ريتك درت الكته
خنقت الكلب بقتله . ومايدوم الحال بردر
تقعد سمايا سودا سحاب حتا الليله امخر
السم كحلي الصدر دهش وعيني ترف تفنص
فريات ظلام فنص الليل سحبة تسعه تزرص
بلاد منكوبه حرب وجريا الكل عاش بمرضه
هوا جندي قاص التبه وعندي جندي فأرضه
حرب الزرطه بزرطه والصاحي نزح من ارضه
والي قعد حضرها مات حامي حوشه وعرضه
كل فرض فارض فرضه والحظر سمانا نابت
وحني الي كمينا فنص الليل من هم القلب كامد
والناس علينا لامت قالو شباب فدوخه عامت
عيون الناس فعيوبنا تكحل دنيا وفيها نعاند
عزابه فعروس تريش اختصار قصتنا الصعبه
تعافرنا ورفسنا النعمه قعدنا بين العالم لعبه
رخصنا بالعمله الصعبه والدينا بوزن الريشه
شينك هم ياشينك ضحكه ياعندين زك ام العيشه
فك الفيشه امسح مات قانون فبلادي جاري
تبي تعيش زي ناس زمان كلام مالصحه عاري
اجري فحياتك فاري . فعيونهم كنت الفريا
حتا بتمشي جنب الحيط وبتوصل فيك الجريا
كل حد وقروبه تقول فكوبا والشرعيه فجيبه
البلاد منكوبه بخصر حديد و هكي تميز عيبه
بلاد بيوع فالظهر معانا صح لاكن نعذرها
بلاد الحرب فبعض تريش كيف تبي نشكرها
لي حقرها . لي خنب خلفتها وماعرفتش تربي
خسرتي مكسبنا للبراني قعدتي غير تمدي
عمري الي خديتي ردي شبابي ضايع فيك خساره
اصغر واحد فينا شايب لان فقلبه مراره
كسرتينا وبجدارا شمعتنا طفيتيها بقبلي
تسعه سنين الموت يصفي نار وصعب تهدي
نموت يجي لي بعدي لسانه يكمل قصه طويله
ولدك ياعروسه فقلبه غمه وفيك ونهد حيله
كل ليله تنزح عيله فحرب طويله تشم البارود
شرق وغرب عفار فبعض طوارق ملكو الجنوب
لامطارات ولا حدود والحوت بلحمنا شابع
والي وصل للغربه رجع من الهم الي قاطع
هدي تلخيصة هم عشنا فيه سنين نعانو
ولادك يابلادي يدور الوقت فيوم تقولي كانو
وهانو . مشروع ايباده وفالجبانه مكانا
قبور شطبنا بدل الشقه لهلبا كانو معانا
حتا الفرح نسانا بردر قلبي تحجر رسمي
عافرت الدنيا هلبا سنين وصحه قدرت هزمي
الله غالب قسمي وهلبا زيي سنين يعافر
مكتوب تعيش فبلاد فيها عواله لقبرك حافر
البلاد نحرقت ورقة بوب رئيس حتربنا كمانا
حبسنا فصدره بين حيوط وفجرية موت رخانا
فوجه الصبطانه نفس المشهد والأطلاله
جيل مجند كلها تحارب مشتركين فنفس الخانه
نهدرز مالغل والي سمع كلامي زبط النعته
لقلته عشنا فيه جميع مش خيال صنعته
ماتحاسبنيش ماتسمعني ماتحطش عذر للغلط
حرب خدت الحصه فشعب شباب تقول عايشين فجرد
عند جرد عندك مرد وعندك اخطي راسي وقص
وعندك سير عليه يقضي والي يطب قرص يقص
والي خنب فلوس ودس عنده حساب من ربي غدوه
كيف بتعيش مابين اوباش صنعو مالي يقتل قدوه
اطبني اليوم اطبني غدوه فالي بعدي بعدا يقول
وهي انستو بعد بردر كان معاك الفوكس يقول

- gfox lyrics

Random Lyrics

HOT LYRICS