gilles binchois - deuil angoisseus lyrics
dueil angoisseus, rage desmesurée
grief desespoir, plein de forsennement
langour sansz fin et vie maleürée
pleine de plour, d’angoisse et de tourment
cuer doloreux qui vit obscurement
tenebreux corps sur le point de partir
ay, sanz cesser, continuellement;
et si ne puis ne garir ne morir
fierté, durté de joye separée
triste penser, parfont gemiss-m-nt
angoisse grant en las cuer enserrée
courroux amer porté couvertement
morne maintien sanz resjoïss-m-nt
espoir dolent qui tous biens fait tarir
si sont en moy , sanz partir nullement;
et si ne puis ne garir ne morir
soussi, anuy qui tous jours a durée
aspre veillier, tressaillir en dorment
labour en vain, à chiere alangourée
en grief travail infortunéement
et tout le mal, qu’on puet entierement
dire et penser sanz espoir de garir
me tourmentent desmesuréement;
et si ne puis ne garir ne morir
princes, priez à dieu qui bien briefment
me doint la mort, s’autrement secourir
ne veult le mal ou languis durement;
et si ne puis ne garir ne morir
Random Lyrics
- leanskii x notzza - jetski lyrics
- skylar grey - she still matters lyrics
- country teasers - satan is real again lyrics
- валерия (valeriya) - перелей вода (pereley voda) lyrics
- izia - trop vite lyrics
- mann - highed out lyrics
- horsepower productions - rain lyrics
- abdel x - le faire lyrics
- pearl jam - given to fly [july 22, 2006] lyrics
- p-funk all stars - pumpin' it up lyrics