gnawi - abryae - أبرياء lyrics
[المقطع الأول]
نهار خدام وشهر لا وغير طالب معاشو
من داك النوع سبحان الله اللي كيفاش تاعاشو
من ثالت المستحيلات تكون عندو اربع الاف
ما كاين اللي اصدق عليه ولا اسلفو شي سلاف
عاش والو ما شاف كي تزاد والو ما ضاف
حي مخبي على لاراف حياة بدون هداف
انسان درويش دايها في راسو الله يعمرها دار
قبح الله قلت الشي اللي خلاتو ايدر ما دار
الطمع طاعون عمى الاغنياء ومسؤولين كبار
فما بالك ببوفري نية في هاد الزمان القهار
بزناس الحي مطلوب لو واحد اسد بيه التقبة
بان لو خونا لميزير مغرقاه تال الرقبة
قالو عندي ليك صخيرة تجي من تما لهنا
فيها مغامرة صغيرة وغنصوفيك وتهنا
بين لو الجحيم جنة وجاي وكيتمنى
كي وصل لعين المكان لقى سطافيط كتسنى
[اللازمة]
هارب من الصداع وبالسلم حالم
ما يعمرو سوق ما يفوتوا ما حالم
في جناب الحيط غادين ديها في حالم
ناس مظلومة ربي افك وحالم
هارب من الصداع وبالسلم حالم
ما يعمرو سوق ما يفوتوا ما حالم
في جناب الحيط غادين ديها في حالم
ناس مظلومة ربي افك وحالم
[المقطع الثاني]
مكمش في دارو حدا وليداتو متسمعلو حس
ساكن في دار الورتة ويلاه مكافي مع القس
ولاكن للاسف خوتوا غا وجوه الحبس
كون لقى الفلوس كون خوا لكن خونا على الضس
عطشان ولاقي عوينة والماء غير صالح للشرب
ابطى عليه غير امتى ارحل ويكون الفرج عن قرب
كيفاش غيعيش الامان وخوتو ديما في الحرب
التجارة في المخدرات وجناوة والجرح والضرب
كيف العادة داك النهار سمع خوه تايتكجم
شويا بدا اسمع زديح وتهراس شراجم
شويا بدا كيبانلو الغاشي على محالو هاجم
ماشعرش وهز لي لقا حداه وبدا كيتراجم
بنادم ادخل ليك على ولادك وخا تكون مرزن
بزز منك اخرج الوحش اللي فيك مخزن
ومن وقع اللي وقع شاف الفرادة اللي هازين
عاد عرف باللي تورط في عراك مع مخزن
[اللازمة]
هارب من الصداع وبالسلم حالم
ما يعمرو سوق ما يفوتوا ما حالم
في جناب الحيط غادين ديها في حالم
ناس مظلومة ربي افك وحالم
هارب من الصداع وبالسلم حالم
ما يعمرو سوق ما يفوتوا ما حالم
في جناب الحيط غادين ديها في حالم
ناس مظلومة ربي افك وحالم
[المقطع الثالث]
مسكين ضرب عشر سنين غربة في امريكا
عيا بالغربة وجابو الحنين لماما افريكا
توحش ولاد الحومة توحش جلسة الكليكا
توحش اجواء البلاد وتوحش التريكا
وصل للدار عنق الحاجة وبدا يبوس ليها الراس
باس لخوتو غاع لافامي وخرج اشوف الناس
تلاقى معى صحابو القدام وفين لباس لباس
دلعو اتفكرو ليام سهرانين اشربو كاس
دوزو ليلة كلها ضحك ورجعو في سلامة
يلاه فارق العشران وبغى ايدير مكالمة
مبغاش يدخل اهضر في الدار ليبرزطهم ربما
وبغى يهضر حدا الباب توقفوه جوج زرامة
تلاحلو على التيلفون وقالو حط بلا غوات
خونا صحيح دخل فواحد روحوا زهقات
دفاع عن نفس وخسر الفلوس ومحامية دوات
وبالمعارف والوجوه خدا عشر سنوات
[اللازمة]
هارب من الصداع وبالسلم حالم
ما يعمرو سوق ما يفوتوا ما حالم
في جناب الحيط غادين ديها في حالم
ناس مظلومة ربي افك وحالم
هارب من الصداع وبالسلم حالم
ما يعمرو سوق ما يفوتوا ما حالم
في جناب الحيط غادين ديها في حالم
ناس مظلومة ربي افك وحالم
Random Lyrics
- артем чугуєв (artem chuhuyev) - забули (forgot) lyrics
- 杏里 (anri) - 海辺から (umibe kara) lyrics
- young kooza - way2high lyrics
- varenichek - зависимость (dependence) lyrics
- smerz - shining star lyrics
- fabio concato - quando sarò grande lyrics
- ingrid solano - facas (cover) lyrics
- zerobaseone - crush (japanese ver.) lyrics
- tati, dirty locche & ill quentin - kieff lyrics
- lil till - telefon lyrics