guillaume de machaut - il m'est avis qu'il n'est dons de nature lyrics
il m’est avis qu’il n’est dons de nature
coms bons qu’il soit, que nuls prise à ce jour
se la clarté tenebreuse et obscure
de fortune ne li donne coulour;
ja soit ce que seürté
ne soit en li, amour ne loiauté
mais je ne voy homme amé ne chiery
se fortune ne le tient à amy
si bien ne sont fors vent et aventure
donné à faute et tollut par irour;
on la doit croirе où elle se parjurе
car de mentir est sa plus grant honnour
c’est je monstre envolepé
de boneür, plein de maleürté;
car nuls n’a pris, tant ait de bien en li
se fortune ne le tient à amy
si me merveil comment raisons endure
si longuement à durer ceste errour
car les vertus sont à desconfiture
par les vices qui regnent com signour
et qui vuet avoir le gré
de ceaus qui sont et estre en haut degré
y pert son temps et puet bien dire: “eimmy,”
se fortune ne le tient à amy
Random Lyrics
- paco ibáñez - volverán las oscuras golondrinas lyrics
- dude york - making sense lyrics
- the spins (band) - the spins lyrics
- xclush - you will lyrics
- daichi miura - keep it going on lyrics
- zavon - dnd lyrics
- das pack - josephine lyrics
- c h e b . الشاب - m a r o c - شكلاطتي lyrics
- trellion & figment - moon monolith lyrics
- testemunhas de jeová - pra ti eu vou viver lyrics