a b c d e f g h i j k l m n o p q r s t u v w x y z 0 1 2 3 4 5 6 7 8 9 #

guito'n - ta5allof / تخلف lyrics

[الدخلة]
ماذا قدمنا للعالم كي يحترمنا ويحسب لنا حسابا ؟
ألا نقبع في مؤخرة الأمم سياسيا وإقتصاديا وتكنولوجيا ؟
ألسنا عالّة على العالم؟
ألسنا أمة تأكل مما لا تزرع وتلبس مما لا تنسج؟

[المقطع]
هوما تقدم تكنولوجيا و علوم
و أحنا تخلف شعوبنا تضرب في النوم
هوما ناطحات سحاب و أحنا نعيشو تحت الأرض
قريب نتيتمو بش يعطونا قرض
صنعوا صواريخ ، دورنا صواريخ
احنا نكمو بش ننساو و هوما وصلو للمريخ
هوما بمواردنا بناو إقتصاد
سي نورمال يخزرولك جاهل جاي مالأبعاد
شنوا قدمنا للعالم بش هوما يعطونا قدر
شنوا قدمنا أبار النفط متاع قطر
قلي براس أمك جاوبني تي شنوا قدمنا
تي رانا عالم ثالث لي تركبلو يستعمرنا
برى شوف قداش صنعو من مكوك
و أحنا لتوة باهتين كيفاش عملو الفاسبوك
تي متخلف يشوفوك , عادي يحقروك
يجونا منغير فيزا وإنتي عالفيزا يريفزوك
هوما بناو جيوش دبابات و رصاص
و أحنا كان البهامة زعمة فما دماغ فاك الراس
النابغة يدعمه و أحنا النابغة نحطموه
هوما الكفء يخدموه و أحنا نخدمو بالوجوه
هوما مدللين و أحنا ناس تقاسي
هوما عندهم اوباما و أحنا عنا البحري الجلاصي
هوما يتعلمو و أحنا بقينا كان نفلمو
هوما يسطرو و ينفذوا و أحنا بقينا كان نتكلمو
صغارهم يترباو على شدان الصف
أحنا تلميذ يشدو المدير في الساحة بالكف
هوما ريوسهم الفوق و احنا ربونا عالذل
تي يفسخنا أباما أذا عالكوماند نزل
غادي تاخو متاعك لنا لإستغلال
هوما يقرو في الكتب و أحنا كونكتاي بار تال
بناو التور ايفل و أحنا بنينا لافريكا
يلبسو و فضلتهم نلبسوها روبا فيكا
خترعو دوايات ، احنا إيخترعنا أمراض
مخاخهم في التقدم , مخاخنا في المرحاض
احنا نخافو ملي جاي ، هوما يسطرو للي جاي
هوما في 2050 و أحنا من عهد الباي
جابو حضارة أحنا جبنا الهمجية
نشروا العلوم وأحنا غرقنا في الأمية
هوما يمنوا بمصالح إقتصادية
وأحنا بقينا كان نئمنو بالمؤامرة الماسونية
بوليسهم يحماهم ، بوليسنا يقمعنا
هما يقدمو و أحنا للجاهلية رجعنا
حكموهم رجال وأحنا حكمونا رهوط
هوما يداوو بلاش لنا ما عندكش بارا موت
هوما متحضرين أحنا شعب مكبوت
همجية في الكار و ريحة ضبوط
صنعوا لكراهب و أحنا نصطادو في الحوت
غاديكا يعيشو احرار وإنت لنا تعيش مربوط
عندهم الفلوس وإنت لنا مديون
لنا جعايل غادي كلها تحت القانون
ليغالطم يتحاكم وأحنا نمجدو الكذاب
يتظاهرو عالوطن احنا نتظاهرو عالاحزاب
هموا يختصبو وأحنا بقينا كان إنددوا
هوما يبتكروا واحنا بقينا كان نقلدوا
nue ما يخزروش للطفلة مش كي تبدا
vues احنا طفلة لابسة دجين تمركي 3 ملاين
يحبو لي ينقدهم و احنا نحبوا لينافقنا
هوما يحبو ليفيقهم و أحنا نعنفوا ليفيقنا
أمتهم في تقدم و أحنا عنا رجال توخر
للخدمة يوصلوا قبل الوقت و أحنا نوصلوا مخر
كياساتنا كلها حفر ، tapis كياساتهم
توحل في أمبوتياج و توصل بعد 3 شهر
غادي جسور و انفاق ، لنا كان النفاق
غادي أفاق لنا تهز ساق تغرق ساق
حقوقهم متساوية لنا غني ياكل الفقير
غادي حرية تعبير لنا تربو عالبندير
غادي يثوروا و يبنيو لنا تواحشو لحنين
بعد الثورة بعامين رجعو يعيطو يحيا الزين
غادي يعينولك محامي لنا أخرتك مسجون
غادي عدالة لنا إنت ولد شكون
غادي يحكم القانون لنا يحكم تلفون
كان راجل هات جعالة و كان فتاة وري الماعون
غادي تلقى المفكر لنا تلقى النبارجي
يمجدوا المخترع و أحنا نمجدوا الكوارجي
ياخذو المليارات و احنا سا في مال
نبقو نتقاتلو كي تلعب البرسا و الريال
غادي ياقفوا مع المواطن لنا أحرق كان فديت
غادي ما تقراش تعيش لنا تقرا و تشد الحيط
شعوب متخلفة صاحبي و نقلك علاه
بار إكزمبل دبلومك تنجم تنفخو تشرب ماه
هوما كل يوم عالم جديد وحنا بقينا
واقفين على أطلال الخوارزمي و إبن سينا
هوما دعموا المواهب و احنا ضحكنا علاهم
سمعو المفكرين وأحنا كفرناهم
لنا ناس ما علابالها غادي ناس مسؤولة
عملوا أكبر دبابة عملنا أكبر صحن تبولة
تي عادي بعد التيتر يردوني ماسوني
لبراج لنتفخرو باهم بناهم جابوني
خاطرنا لا صنعنا لا إخترعنا
لا قرينا لا نسجنا لا ساهمنا لا نفعنا
تذكر الفتوحات و شوف الشعب كيفاش ولا
ديما هوما المحتلين و أحنا المناطق المحتلة
كلا ميسالش قلي كلا و أنا غالط في التصور
ميسالش حاول اقنعني لي أحنا شعب متطور
ياخي علاش تغطيو في عين الشمس بالغربال
زعام كان في الطفلة تسوق حرام ولا حلال
هوما اتحدوا و أحنا غدرنا بعضنا في المحن
امتنا ضاعت من فتاوي شيوخ الفتن
حسيبهم ربي لعبو بمخاخ الذراري
بناتنا بعثوهم الى سوريا و عملوهم جواري
يا حسرة على صلاح الدين والفتوحات
حضارتنا ضاعت ولينا اليوم تحت الصباط
ويني كرامتنا كلمة الحق نقولو
ولد محمد السادس في يديه يبوسولو
نحنا نقارنوا و هوما ما يقارنوش
العربي يحتقروه غادي ما يحبهوش
كرهنا ولا حبينا ما عناش قدر
فيقو من الوهم لننهض يا بشر
نحكي هكا خاطرني عالأمة غاير
سامحوني ما نجمش نسكت علي صاير
عارف كلامي يوجع عارف كلامي قاسي
ماي هذا واقعنا ما جبت شي من راسي
ديما يبقى الأمل malgré tout
تتبدل العقليّة نجموا نرجعوا كيما قبل
اليد فاليد نقذوا عالهمجيّة و الجهل
نعاودوا نبدوا من جديد و ربّي يسهّل
رد بالك يغلطوك و يعدّوها عليك
ما تسمعش لكلام لي يضحكك اسمع لي يبكّيك
يا قوم اتزكى في عود ما تتبكّى
نتحمل مسؤوليتي كاملة كي نحكي هكّا

[الخرجة]
لماذا كلما تعرض بلد عربي لعدوان أو لأزمة تنطلق أصوات تنادي : أين العرب؟ أين العرب؟ أليست صرخة عبثية ؟
ماذا يستطيع العرب أن يفعلوا أكثر مما فعلوا ؟
أليس من الخطأ تحميلهم أكثر من طاقتهم ؟
أليس من الخطأ تصويرهم أكبر من حجمهم ؟
أليس محل العرب من الإعراب عالميا في محل مجرور ؟
هذا إذا كانوا موحدين ، فما بالك إذا كانوا مفتتين ؟

- guiton lyrics

Random Lyrics

HOT LYRICS