a b c d e f g h i j k l m n o p q r s t u v w x y z 0 1 2 3 4 5 6 7 8 9 #

hamzaoui med amine - ajma3in آجـمعـيــن lyrics

برّا تخبّــى .. بلّع مــا تحكي على محبّة
يــا ڨلب ماشي و تتعبّــى ..
على شكون شتلوم و الذّليل عمرو ما تربّــى
عمرو ما تعلّم في السّلطة ما يسلّم ..
تبدى تفهّم فيه غادي وين تحلى يتكلّم يفلّم
يفوت الفوت و يخمّم يعرف إلّي الرّجلة ڨلوب ..
تسلّكها من ذيب تلڨاها في الدّورة ذيوب ..
دنيــــــا عوج عبـــاد عيوب .. هذاكه المكتوب
مكتوب الظّالم عالمظلوم .. في الهم عزاك مشوم
ڨلّي على شكون شتلوم و الڨلب إمّسخ حموم
يجيك نهار و تموت أمّــا شكون فينا المرحـــوم
يــا ناسي ظلم النّاس .. علّم ناس .. شرب الكاس
فمّـــا إلّي يڨرطع و لاباس .. فمّــا إلّـــي يصوّف في الأحباس
كيــما إلـي عشيرو الهمّ و إنت الهمّ عليك عسّـــاس
فمّـــا فمـا فمّا .. و فمّـــــا ربّــك هو الغـــــالب
فمّا إلّي عاش بالسّترة .. فمّا إلّي آخرتو طالب
فمّــــا إلّـــي مخّو ضارب .. عالدّنيا كالب .. كيفي أنـــا
و أعوذ بالله من نفس الكلمة .. زايط في الرّاس فمّاشي ما نحلم حلمة
مادامني زادم و نڨـــدّم .. باڨي نعفّس في الظّلمة
و ما تڨلّيش شكون نلوم .. لا فهمتك ظالم لا فهمت إلّي إنت المظلوم
لا فهمت إلّـــي إنت هاني .. ولّا في بحر الهمّ تعوم
ما تڨـــلّيش مازلت تلوّج .. متّـــكي معوّج ما باش يجيك النّوم
كيفك إنت و كيفو هو .. كـــلّكم خايفين خـــــــــايفيين من غدوة شنوّة
ولـــــــد بلاد مرزّن مــــا تاكلش معــــــايا القـــــوّة
نعرف إلّــــــي الشّلــــطة تلكّش .. صغرك عايش مبكّش
تي مخّي ما يتعكّش بيني و بينك كحلا تعدّي بجنبــــي ما تشلّقش
و ما تڨــلّيش شكون نلوم .. تلوم الظّالم خايب ولّا تلـــوم باهي مظلوم
فـــي بلاد الدّز تخطف و الطّحـــــانة برشـــا اليوم …..
مـــــلّخر كلمتين يا نعــيش في بلادي حرّ .. يا نموتوا آجمعــــين

- hamzaoui med amine lyrics

Random Lyrics

HOT LYRICS