het zesde metaal - gasten lyrics
gasten
’t es nie’ omda’ ‘k under minder zie da ‘kik minder ip u peize
’t doe’ mie ook nog soms verdriet
voe maar te zwiegen van min meter
die nog iedere weke vraagt “kom’n ze nie’ spelen?”
’t gaa’ goe’ met minnen band nu
w’ èn een plate ipgepakt
‘k hope da’ j’ der kunt naar luisteren
da’ j’ ’t mie nie’ te kwalijk pakt
al zoe ‘k het wel verstaan
al zoe ‘k het wel verstaan
al zoe ‘k het zeker kunn’n verstaan
ge kunt nooit goed doen a’ j’ ne maat moe’ laten gaan
maar ’t kunt verzekers moeilijk slechter dan da ‘k ’t ekik è gedaan. w’gaan der nog vele meugen drinken voorda’ w’ al ’t verloren vocht kunn’n compenseren
ge zi’ veel te goe’ kerels
g’ èt der nooit spel van gemakt da’ ‘kik ga lopen met de pluimen da’ ‘k van junder è afgepakt
‘k hope da’ j’ ’t mie vergeeft
‘k hope da’ j’ ’t mie vergeeft
ik hope da’ j’ ’t mie ooit vergeeft
de mens’n in ’t dorp, ze waren der van aangedaan:
“sedert dat ie in de stad weunt es ’t ie neffest zijn skoen’n gaan staan
ie è’ zelfs zin eigen broere kunn’n verraad’n
we zin nie’ wel genoeg. ie es ons vergeten.”
maar ik ken de weg nog naar min roots en d’ uren van de treins
‘k weet nog ’t huis zin van min ouders: rechtedeure vanaf de statie en ton naar links
zoe ‘t der nog altid staan?
zoe ‘t der nog altid staan?
‘k zoe beter toch nog ne keer gaan
gast’n, we wisten da’ w’ mekaar wa’ minder gingen zien
da’ we nu voe mekaar te treffen masse omme moesten rien
maar ’t es al lang geleden
’t es al te lang geleden
het es al veel te lang geleden
Random Lyrics
- itsdela - me, myself & i lyrics
- yolo rhymes - everyday lyrics
- ясли x ovrag (yasly x ovrag) - волки (wolfs) lyrics
- godlands - my weakness lyrics
- trxppy almighty - problem child lyrics
- key b - recuerdos de un amor lyrics
- viccens - huilen van succes lyrics
- flowars - maeday lyrics
- shynelevell & ez - wicked lyrics
- aldo obregón - para lyrics