a b c d e f g h i j k l m n o p q r s t u v w x y z 0 1 2 3 4 5 6 7 8 9 #

hillingar - hyldýpi lyrics

Loading...

aleinn með sjálfum mér
ber bagga sem enginn sér
fyrst enginn spyr drep ég á dauðans dyr
veit ekki lengur hver ég er

berskjalda í bárum sem bera mig út
sama hvert ég reyni að flýja
vil ekki binda þennan endahnút
en blýþungt brjóstið það dregur mig dýpra

held aftur af mér og aftra, svefnlaus, máttdofinn og sálin hún haltrar
„hætt’essu væli, þú kveinar og kvartar“ – hætti að anda
og afhverju er tabú að fella tár þegar ég reyni að græða þessu ógrónu sár?
ég þarf einn að takast á við mín vandamál
það sem fólk fær ekki að sjá er veik brothætt sál

verkurinn stöðugur og hann magnast og magnast
og hugsanirnar leita á mig, fastar og fastar
vil ekki festast hér, ég verð að leita eitthvert annað
því súrefnið minnkar, þar til ég kafna

tek síðasta sopann og skelf
tek síðasta sopann og hverf
svo alltof þung byrði, svo langt þarna niðri
hefði þurft að létta á mér en ég byrgði það inni

vitja minna djöfla, engin útgönguleið
dreg andann djúpt, þann seinasta þessa lífsleið
vitja minna djöfla, engin útgönguleið
dreg andann djúpt, þann seinasta þessa lífsleið

stari’ út í tómið, kem ekki upp hljóði
ef allt var í lagi, (á sínum tíma) þá er það nú ónýtt

sekk ofan í hyldýpi
yfirþyrmandi tilfinning
svo margt að, ég þarf að vinna’ í því
og eftir stendur bara minningin

tekst á við tilfinningar sem ég get ekki valdið
hugur í hlekkjum og hjartað er kalið
stend andspænis hindrunum, ógnandi fjalli
því í draumi sérshvers manns er fall hans falið

oft kemur grátur eftir skellihlátur
vildi’ að allt gæti orðið eins og það var áður
í sárum, með tárum ég kalla sárþjáður
kveð þennan heim, kannski sjáumst við bráðum

lokaður inni, fastur og kaldur, sekk oní hyldýpi
hugurinn niðri, hangir á bláþræði, móðan er blindandi
og hún hylur mig, ég veit ekki hvernig ég get verið til
ég veit ekki hvernig ég kemst upp á lífsins þil þegar þetta er ekki það sem ég vil
ég finn ekki kraft til að rísa upp úr djúpinu og græða mitt hugarins mar
og þyngdin á herðum mér þrýstir mér niður í jörðina og heldur mér þar

vitja minna djöfla, engin útgönguleið
dreg andann djúpt, þann seinasta þessa lífsleið
vitja minna djöfla, engin útgönguleið
dreg andann djúpt, þann seinasta þessa lífsleið

- hillingar lyrics

Random Lyrics

HOT LYRICS

Loading...