karg - advent lyrics
es schneibt heid scho in gonzen tåg und a da see der is scho gfroan
und es valafft sie es letzte joa beherzt wia de zeit, in spuren im schnee
wos fua uns liegt werma nia dafrogn, geschweige denn fruah gnuag wissn
es hod do nix in dera wödt bestånd, und auf d‘ ebbe foign imma de fluten
obn in de berg, do gspia i mit jedem schritt de freiheit
des mocht jeden no so kurzen moment zu oam der wos ewig währt
durt gspia i de vasöhnlichkeit des regens, in wind, und a de kötn
durt werd i oans mim moment, und bin boid endlich wieda dahoam
i hob nia genau gwusst wieso, einfoch nur, d-ss jetz donn boid soweit sei muas
de zeit hod meine wunden ned g’heilt, ma de zuvasicht owa donn doch iangwia g‘raubt
so bin i bis ans ende da wöd zogn um vo dem leben åbschied z’nemma
eich olle leb woi zan sogn, und eich endlich vagessen z’kenna
da triste herbst, er konns bezeign, wia da verschneite woid es letzte joa
wirft augenbl!cklich schåtten auf des wos woa und auf des wos no kimbd
legt lieblos schluchten üwa schluchten und schaufit ma jedes joa a neies grob
nua wü i unerbittlich weidalebn, bis i endlich in mond vo da ondern seitn da wödt gseng hob
da mensch so hoitlos und unbeständig vergisst nur oi zu schnö
er wird immer wieda ois gem und doch wiads niemois reichn
wei es dauert fost a gånzes lebn bis ma uns endlich zomg’wochsn hom
und erreichen unsa zenit doch imma erst mit unsam letzten atemzug
wia existiern oft mehr, ois das ma wirkli lebn
und so ziang de tåg vorbei, ois waratns nur stund‘
wia vatogn de wichtigen sochn joaein, joaaus auf muang
bis ma iangwonn z’oid woan san, z’oid… …und koit
z’oid… …und koit
da triste herbst, er konns bezeign, wia da verschneite woid es letzte joa
wirft augenbl!cklich schåtten auf des wos woa und auf des wos no kimbd
legt lieblos schluchten üwa schluchten und schaufit ma jedes joa a neies grob
nua wü i unerbittlich weidalebn, bis i endlich in mond vo da ondern seitn da wödt gseng hob
Random Lyrics
- beat king - tear the club god lyrics
- galenskaparna & after shave - farbror stig aer nk-tomte nu lyrics
- 9electric - i die lyrics
- khia - my neck, my back (lick it) (acapella) lyrics
- julie bergan - us lyrics
- the young veins - defiance lyrics
- ana gabriel - de aqui para allá lyrics
- bobby king, terry evans - bald head lyrics
- dmc static - i'm back lyrics
- ovid's withering - panikon deima lyrics