kaumakaiwa kanakaole - ea mai hawai'i lyrics
ea mai hawai’i
‘o hawai’inuiākea
ea mai nō ko mai
no ka mai o ka pō
puka mai o ka moku
puka mai o ka ‘āina
ka lālani ‘āina o nu’umea ē
ka pae ‘āina i kūkulu o tahiti ē
no hawai’inuiākea la’a ē
no hawai’inuiākea nō, he inoa ē
hānau ‘o maui he moku, he ‘āina
na kama o kamalālāwalu e noho
na kuluwai‘ea o haumea he kāne
na hinanuialana nō he wahine
loa‘a moloka‘i he akua, he kahuna ē
he pualena nō ia o nu‘umea
kū mai ke ali‘i kū mai ē ka lani
ka haluku wai ea ola o tahiti
loa‘a lāna‘i he keiki ho‘okama
na keaukāna‘i nānā i moe aku ē
e ke kekea kapu no ho’i a’o uluhina ē
no hawai’inuiākea la’a ē
no hawai’inuiākea nō, he inoa ē
hānau kaho‘olawe, hānau he lōpā
ki‘ina aku uluhina ua piha ia mai
moku ‘ia ka piko, ‘iewe o ke kamaiki
ka ‘iewe lā o ke keiki lā ua lele
i komo aku i loko o ka ‘ape nalu
ka nalu ‘ape‘ape kai nalu ‘ale‘ale ē
loa‘a ka malo, ka malo o ke kama
‘o molokini ka moku
he ‘iewe ua la’a, he ‘iewe ka moku
kū mai ‘ahukinialaʻa
he aliʻi na nāmū
mai ka ‘api o ka iʻa
mai ka ‘ale poʻipū o kalani ē
ka hale po’ipū o halehalenālani ē
no hawai’inuiākea la’a ē
no hawai’inuiākea nō, he inoa ē
loaʻa oʻahu, loa’a he wohi
he wohi ho’i ia na ‘ahukinialaʻa
na laʻakapu lā he kāne ia lā
na laʻamea+laʻakona nō he wahine
hoʻokauhua, hoʻīloli wale ē
hoʻīloli i ka nu’upoki ali’i ē
no ka heiau kapu, ua kapu iā nonea
i ka uila i ka pō kapu o makaliʻi
hānau kauaʻi he aliʻi, he kama
he pua aliʻi, huhui aliʻi a hawaiʻi
na ke poʻo kelakela o nā moku ē
pāhola ‘ia e kalani nohea lā ē
no hawai’inuiākea la’a ē
no hawai’inuiākea nō he inoa ē
holo wale nā moku
holo wale i hōlani
i ka wewehi kapukapu nō a ka lanakila
kūliʻa i ka moku, moku a kāneloa
ka ihe laumeki nō lā i polapola
nāna i mahiki lā o w+n+lia ē
nāna i mahiki nō a’o w+n+lia ē
ke kāne ‘o w+n+lia
ka wahine o h+n+la’a
hānau niʻihau he ‘āina nō, a he moku
he ʻāina nō i ke aʻa i ka mole nō ka ‘āina
‘ekolu lākou keiki i hānau i ka lā kahi
‘o niʻihau me kaʻula me nihoa ē
pā ka makuahine
‘ōʻili moku ‘ole mai ma hope ē
pā ka makuahine
‘ōʻili moku ‘ole mai ma hope ē
no hawai’inuiākea la’a ē
no hawai’inuiākea nō he inoa ē
no hawai’inuiākea la’a ē
no hawai’inuiākea nō he inoa ē
Random Lyrics
- carl friedrich zelter - die bewegung lyrics
- killawhat - brainiac lyrics
- timchaz - id:fuck lyrics
- knight of endale - wordlessly lyrics
- linea personal - bratz lyrics
- dracul - enthralling whispers of blood moon emperor lyrics
- double echo - burning in blue lyrics
- the loonatics - edge of the earth lyrics
- player dave, niles - come home lyrics
- zayn - the time lyrics