kazz torabyeh - underrated 6 lyrics
الوحدة عنا هم غلطة وحدة بتعمل دم
وجهي صاير أصفر ناشف كإني ماكل وادي رم
بدهمش إياك تصير نازلين فيك تكسير
كل ما ترفع حالك فوق برجعوا برموك ببير
بس عادي مش فارق كمّن سنة وبس تارك
حاول إعمل إصلاح وبس هتصفي إنتا الهالك
عمّان ايش مالك بالله احكيلنا شو عملنالك
حتى ماشية اليوم بحالك ومطلعانا تمام من بالك
تعبان الحال يا ليلى اليوم عم بنفكّر بس نهرب
فش حد مهتم لأمرك راجع نفسك قبل ما تطلب
هاي مش مشاعر حزن ولا كلام شخص مش بالغ
هاي تفريغ من شخص طموح بدوش يصفي بس فوارغ
تع بارك هينا كبرنا صرنا شباب بس لا ما صرنا
كل منقول إنو أنتصرنا هالحكي هون مش مصيرنا
يا عمّي سيبنا… شو بفيد التفاؤل
واحنا عم نصغر كل يوم.. نازلين فينا تآكل
…
أنا كل ما قرر بدي أعيش بدي أعيش
بصحى بشوف العالم بحكي لا بديش
…
بحكولك إحلم حياتك بتصير أحلى
ما إتصعب الأمور إفرح الدنيا رحلة
سايبينك تكتب وتحكي عأساس صوتك مسموع
بس المسموح مسموح والممنوع عندهم ممنوع
لهيك اليوم بفكّر ألحق حالي لو متأخر
وأطلع أهرب من هون برّة ونام مرتاح بلا مشخّر
صار عنجد بدي بلد شوي بس تحترمنا
بس هاد يبدو زي ما بحكو حلم إبليس بالجنة
أنا كل مفكر انو وعيينا وصرنا أحسن
باجي بطلع من البيت بشوف الشارع بحزن
بس ما بهم أصلن.. مين انتا وشو أصلك
خليك عايش بغبائك واحكي بكرة بتسلك
ما تعطيهم إهتمام… واوعك تعلن إستسلام
خليهم يحكوا مجنون وعيش مع حالك بابتسام
كسّر كل التقاليد إصنع عالم من جديد
وانسى إتوضّح شو عم تعمل عالشكلين ما بفيد
…
أنا كل ما قرر بدي أعيش بدي أعيش
بصحى بشوف العالم بحكي لا بديش
Random Lyrics
- pfv - high hopes lyrics
- marteena - m&m's lyrics
- milky himself - hope you got love for me lyrics
- claver gold - blu cobalto lyrics
- the 49ers - now & then lyrics
- the wind and the wave - my mind is an endless sea lyrics
- la gota aka romeo - spitting bars lyrics
- kappa laks - gullfaks reloaded lyrics
- линда (linda geiman) - мозговые помехи (mozgovye pomehi) lyrics
- quentin miller - progress lyrics