klay bbj - المتمردون lyrics
قبل ماتدخل لحومنا أقرأ سورة الفلق
الرأس بالحشيش مصطك والمخ بالشيخة يغفق
فينا إلي فلقط وحرق ومالفقر أيس قلق
وإلي مالظلم نطق وسيفيل الحاكم ضيق
إلي عكستوا مشى سرق وإلي فالحرام غرق
وإلي عدى عمروا في الأحباس لين فغم تخنق
نحن المتمردون تحقرنا تتشنق
أحنا ولاد الحوم أحنا شر ما خلق
ولد الحومة العربي مالفقر عايش مدمر
في الرأس ديما مخدر مالصغرة بحياتو يقمر
يرضى بلّي كتب كي يجوع ياكل المجمّ
ر في نظر الكرزة كلو…شار خاطروا ولد حوم مزمّ
ر ولد الحومة زوالي مي خشموا ما يهبطوش
هو إلي عس عليك ولقّى صدروا للكرتوش
القْلب حجر كاسح وبالخوف مانمنوش
والأحناش ما نقدروش a.c.a.b. العقلية
لكلنا ولاد تسعة إفهم حديثي بالكلمة
إنت عايش في الخير والعز وأنا عايش في الظلمة
تي إنت ولد فلان مالصغرة بوك هزك تتعلم
وأنا ولد حوم متربي بين المجرمة
ما نحكيوش بالأنقْلي هوني تسمع كان القْجم
إيجا عيش بحذانا أتو الرجلة تتعلم
ما نستعايروش مالفقر ربي يوزّع القسم
صبع الوسط للكرز تعظيم سلام لولاد الحوم
مسلم تونسي متمرد نمّن كان بربّي
نمّن بكلام الرسول موش بكلام المتنبّي
خارج مالحوم وين الزناقْي هوني تربي
للأحزاب و عالسّياسة قْلبي معبّي f-ck (x2)
تونس بلد ديمقراطي على شكون تعقْب فيه
ا الحكومة بالعتوا خيط والشّعب يفيّق فيها
السلطة عملت كي الدجاجة إلي هازّا ساقْيها
فلالسها موتى بالشّر والسّردوك موحلوا فيها
ما تبدل شيء في تونس تي زادوا كثروا الصبّابة
الشعب طالب الإستغاثة ومافمّاش إستجابة
وينهم إلي سرقْوا البلاد
تي وينهم القلاّبة تونسنا هازها الواد وأحنا نقْولوا العام صابة
من حقك تاكل الكف ممنوع عليك تعتصم
لازمك كي تشوف العوج تبلع لسانك تتبكم
الحكومة في بر الأمان والزوالي غارق في الهم
هاذاكا علاش ولد الشعب يعّبي في رأسوا بالسّم
السّياسة في تونس تي(باز) فيها عطب
الحكومة تفرّك فيهم والشعب مكنوا العصب
المسؤول راكش في (البيرو) والزوالي في الخرب
يجوع يتغذى مالزّبل يقْرس يتدفى عالحطب
مازلنا نعيشوا في الخمج (لونتوراج) قْلت وطبعة
الزوّالي والمحتاج مالظّلم ولاو مضبعة
الشعب لكلّوا يلهث والرئيس ساقْيه مربّعة
حتى بعد الثورة تونسنا مازالت سبعة
الزّوالي سرق بش يعبّي كرشو يتقنّع
خاطروا ملّي تولد في الفقر عايش مبلّع
ياخي إطّيش في الأحباس وشبابوا مسكين تقْلّع
وإلّي سرق البلاد في السعودية يتخلّع
…تونس خربة خربة عيشة كلبة الشّعب كرّز لازم الهربة يشقْ الحدود يختار القْلبة شرّوا بيه في الحبس تسربى الصبّة ترهج ضربة ضربة تشيّخ الرأس تميّل الرّقْبة بش تعيش مرتاح لازم الصبّاب تتجنّبَ
والخلطة تجرّبَ
إقْدم من غير ما تحلّبَ
مسلم تونسي متمرد نمّن كان بربّي
نمّن بكلام الرسول موش بكلام المتنبّي
خارج مالحوم وين الزناقْي هوني تربي
للأحزاب و عالسّياسة قْلبي معبّي f-ck (x2)
Random Lyrics
- nekfeu - laisse aller lyrics
- ideal jim - l'apôtre lyrics
- svinkels - le svink c'est chic lyrics
- disiz la peste - chaque week-end (remix) lyrics
- jtbymilka - mario clash luigi revenge (reponse a norman) lyrics
- sway in the morning - no sleep lyrics
- lock up (uk) - mind fight lyrics
- a-wax - trust issues lyrics
- ces cru - belly up lyrics
- sandy placido - great migration lyrics