kris drever - freedom come a'ye lyrics
roch the wind in the clear day dawin
blaws the cloods heilster-gowdie ower the bay
but thair’s mair nor a roch wind blawin
throu the great glen o the warld the day
it’s a thocht that wad gar oor rottans
aa thae rogues that gang gallus fresh an gey
tak the road an seek ither loanins
wi thair ill ploys tae sport an play
nae mair will our bonnie callants
merch tae war when oor braggarts crousely craw
nor wee weans frae pitheid an clachan
murn the ships sailin doun the broomielaw
broken faimlies in lands we’ve hairriet
will curse scotland the brave nae mair, nae mair
black an white ane-til-ither mairriet
mak the vile barracks o thair maisters bare
sae come aa ye at hame wi freedom
never heed whit the houdies croak for doom
in yer hoose aa the bairns o adam
will find breid, barley-bree an paint-t rooms
when maclean meets wi’s friens in springburn
aa thae roses an geans will turn tae blume
an the black lad frae yont nyanga
dings the fell gallows o the burghers doun
Random Lyrics
- boogie beebies - pirate gang lyrics
- blues traveler - onslaught lyrics
- vivian green - light the universe lyrics
- hades - in the words of the profit lyrics
- psychostick - welcome to the show lyrics
- sandra - change your mind lyrics
- la mafia - mandame un e-mail lyrics
- bloodhound gang - pacman on crack lyrics
- john mellencamp - to washington lyrics
- randy newman - happy lyrics