a b c d e f g h i j k l m n o p q r s t u v w x y z 0 1 2 3 4 5 6 7 8 9 #

lعees - ba7ibb anzal - بَحِبّ أنزَل lyrics

خلصنا..

حاطط شاشة عالشاشة, لأنه أحمد كسرها وأنا مزتوت
لعن الحدود بعد ما أقنع حاله, إنهم السبب في كونه حدا معيود
عادي, طبيعته يلوم.. ذكر الموضوع لأنه الكسرة
كسرت الروتين, لساتني جاف, بس بسرح بروبين
هاتلك شيكل..
سائلك هيكد..
عشان أتأكد إذا في للوضوح نتيجة
خضوع تدريجي, زي ما بتيجي بتروح
وزي ما بتروح بتيجي
في طوب في الريشة..
وما معاي شاكوش, عم بضرب بإيدي
دايماً مستعجل, فايق مستخدم كترة الساعة
إنه مطرب, إشاعة, لأني برقصكش..
مرحلة شؤم, زي التلتطعش
عادةً بتفائل, بس الفشك نقص
البلد عم بموت, وللعم ولد عم بموت
وأنا مواطن فاشل..
مبارح حلمان إني إنمسكت
بس لسبب ثانٍ, رشق سائل

والريح بتغرغر السُقاطة
طأطأ الحفرة في راسه وهو بستغرب من الشأن
مستفرد في البحث, وآي إجابة ممكن تفيد
فهو مستفرغ للبأس, كاين ملخبط معدته بكم
من حزرية, عتبان عالأرقام, قايم يخبط كلمته
بزاوية الإسكملة, عشان تركز في الدرس..
بلش يُبصم في الساق عشان يبطل يهتز..

ساذج, بلا وجه
بيطمح إلى حاضرٍ بلا أمس
وإلى الدمس في مواقفٍ تأكد غنى النفس
فالقناعة كنزٌ لا يفنى
هيك أقنعتني إمي..
بس أنا جاي أستسلم للفوز..
بحاذي الناوي
إتكالي, إرتكائي..
إرتمائي إعتلائي
بس شونساوي
أرتوائي تدفق..

تأهبط
بدك تربط رجلي بسندان
من الأعالي تأخبط
بس لساتني..

وأنا نازل

ببصق..

إرتجال, السؤال إنتداب,الجواب إمتثال
إنتحال الإستغلال, قتال, الإستقلال ثواب
إنتعال الحذاء, إستدلال, سواء مشيت أو
هرولت, من هان لغاد, زمن, من عام لعام
عمل, من نام لفاق, مثل, من واد لواد جبل
اللمبة إنفاق ثمن, النجاح حمل بتعتر من شفته
ماء ماء, طلب, غلط, بتضعضع ع حفته
بخاف من الشاهق, بنحاز لوسط الطابق
مش زابط, يطلع ع تحت, بتكلف بالنحت
بتقلب ع الكبت, بتحلى بالجد, بتهبل عالغد
بتعلق بالمد, الساحل بده تعباية بترول
والفاشل بده محاية وكيبورد, وبعدين الزور
بتكفل بإيش ضايل, الدور عالمستقبل بإيش صاير
وين رايح؟ لليش طايح؟ إيش راية الخلاصة
إذا بالنهاية براسك تحقيق, غماية لتضيع
وتدور ع بداية بدها تجيب, إبصر شو

- lعees lyrics

Random Lyrics

HOT LYRICS