a b c d e f g h i j k l m n o p q r s t u v w x y z 0 1 2 3 4 5 6 7 8 9 #

l7or الحر - melit - مليت lyrics

Loading...

أنا لي ملاقي الحجبين ومريض بالوسواس
و قبل ماتلموني لومو بعض الناس
عقلي مانساه كاس
هموم فوسط الراس
من غير لبسي الواسع مايريحني حتى شي لباس

[ المقطع الأول ]

تجبرني جالس غير أنا والناي و غنايا
نجبد حتى نردع همومي و أحزاني و بكايا
و تخايلو جبرت شكون ملي درت موريا
عشيري لي كان البارح قصر معايا

لي كايسالني درهم قادر نعطيه جوج
قلبي ماشي كحال وماشي بيض قلبي روج
ولي باغي ينفر يتكركب مع دروج
حياتي فيها باب كبير يخرج فوج

ماشي من نوع لي بضحكة صفرة دغيا ندوخ
عارف راسي شكون وعارف دماغي باش منفوخ
بالتابعة و الجلدة ضهري راح مسلوخ
“الحر ” عايش فقصر ” مراد ” عايش فكوخ

[ اللازمة ]

قل لي علاش لامــونـي
وعلاش يكرهــــوني
وعلاش داو بسـبابي الذنـــوب
قل لي علاش مافهموني
وعلاش يضلمـــوني
قل لي علاش فهموني بالمقلوب

[المقطع الثاني ]

in the sky لازم نسها ونغيب ونطير
why ماشي مرتاح فهاد دنيا وبغيت نصقصقسيك
لي فات البارح عمرو فاليوما ينسيني
واش صباح غدا ؟ ماعرفتشي ربي واش غيخلني

كنعاودلك و الشوفة ديالك غاتبكيني
وعارف غانسالي كلامي غادور وتخليني
كلاوني الكلاب وضاعو سنيني
وبقيت شفاية بين زناقي القطوط كتواسيني

no money no home
لمن غادي نلوم
واش راسي أولى ناسي أولى قلبي لي مرحوم
زهري مشؤوم وطريقي مامفهوم
ولي باقي ماجي فوجهي عارفو مهدوم

القلب يدق وعروق الراس تحرق
رجل فالغيس و رجل ماشية فطريق الحق
وشكون غيعتق وشكون غيشفق
قولو ليما تعذرني وإذا ولدا احمق

[ اللازمة ]

[المقطع الثالث ]

ودابا كاس احمر ورقة و ستيلو و طفاية
جالس كانتأمل فلي رسمتو لمراية
جمعت دنوب فحال العشور لدنيا سعاية
وشربت من ماء كاع ماداز من صفاية

وجه عابس وجفون لونا كوحل
مابقيت نشوف نعاس فحالي وكلوني شي توكال
ماكنحس بوالو من غير حريق الفؤاد
من غير بلي نقصت بقاو فيا غير لعواد

91 ، 21 سنة
فرحت ملي ديت الباك ودابا ف la fac كندفنا
غير دعي يا الوالدة و تمنى
نولي شي نهار قاضي ونحكم على الفقر لي عدبنا

حنا و دراوش , حنا و المساكن
أنا و 8 دنفوس ف75 مترو ساكن
هادا علاش الكحولة مغشية العيون
تقطعو الحبولا حيت سبولة فيها زرع معفون

[ اللازمة ]

قل لي علاش لامــونـي
وعلاش يكرهــــوني
وعلاش داو بسـبابي الذنـــوب
قل لي علاش مافهموني
وعلاش يضلمـــوني
قل لي علاش فهموني بالمقلوب

- l7or الحر lyrics

Random Lyrics

HOT LYRICS

Loading...