linton kwesi johnson - making history lyrics
mekkin histri
now tell mi someting
mistah govahment
tell mi someting
how lang yu really feel
yu coulda keep wi andah heel
wen di trute done reveal
bout how yu grab an steal
bout how yu mek yu crooked deal
mek yu crooked deal?
well doun in soutall
where peach did get fall
di asians dem faam-up a human wall
gense di fashist an dem police sheil
an dem show dat di asians gat plenty zeal
gat plenty zeal
gat plenty zeal
it is noh mistri
wi mekkin histri
it is noh mistri
wi winnin victri
now tell mi someting
mistah police spokesman
tell mi someting
how lang yu really tink
wi woulda tek yu batn lick
yu jackboot kick
yu dutty bag a tricks
an yu racist pallyticks
yu racist pallyticks?
well doun in bristal
dey ad noh pistal
but dem chase di babylan away
man yu shoulda si yu babylan
how dem really run away
yu shoulda si yu babylan dem dig-up dat dey
dig-up dat dey
dig-up dat dey
it is noh mistri
wi mekkin histri
it is noh mistri
wi winnin victri
now tell mi someting
mistah ritewing man
tell mi someting
how lang yu really feel
wi woulda grovel an squeal
wen soh much murdah canceal
wen wi woun cyaan heal
wen wi feel di way wi feel
feel di way wi feel?
well dere woz toxteh
an dere woz moss side
an a lat a addah places
whey di police ad to hide
well dere woz brixtan
an dere woz chapeltoun
an a lat a addah place dat woz burnt to di groun
burnt to di groun
burnt to di groun
it is noh mistri
wi mekkin histri
it is noh mistri
wi winnin victri
Random Lyrics
- liquid gang - breakdown lyrics
- lisa left eye lopes - let me live lyrics
- lisa loeb - guessing games lyrics
- lisa marie presley - sinking in lyrics
- linda ronstadt - somewhere out there lyrics
- lisa ekdahl - when did you leave heaven lyrics
- lisa lisa cult jam - i wonder if i take you home lyrics
- lipps inc - rock it lyrics
- lisa miskovsky - a brand new day lyrics
- linda eder - a little bit of heaven lyrics