linton kwesi johnson - reality poem lyrics
dis is di age af reality
but some a wi a deal wid mitalagy
dis is di age af science an’ teknalagy
but some a wi check fi antiquity
w’en wi can’t face reality
wi leggo wi clarity
some latch aan to vanity
some hol’ insanity
some get vision
start preach relijan
but dem can’t mek decishan
w’en it come to we fite
dem can’t mek decishan
w’en it comes to wi rites
man,
dis is di age af reality
but some a wi deal wid mitalagy
dis is di age af science an’ teknalagy
but some a wi check fi antiquity
dem one deh gaan outta line
dem naw live in fi wi time
far dem she dem get sign
an’ dem bline dem eye
to di lite a di worl’
an’ gaan search widin
di dark a dem doom
an’ a shout ’bout sin
instead a fite fi win
man,
dis is di age af reality
but some a wi deal wid mitalagy
dis is di age af science an’ teknalagy
but some a wi check fi antiquity
dis is di age af decishan
soh mek wi leggo relijan
dis is di age af decishan
soh mek we leggo divishan
dis is di age af reality
soh mek we leggo mitalagy
dis is di age of science an’ teknalagy
soh mek wi hol’ di clarity
mek wi hol’ di clarity
mek wi hol’ di clarity
Random Lyrics
- brainpower - boks ouwe lyrics
- george carlin - y'ever lyrics
- sick of it all - view from the surface lyrics
- sarah vaughan - can't get out of this mood lyrics
- nick heyward - club boy at sea lyrics
- camera obscura - this is love (feels alright) lyrics
- showdown - diggin' my own grave lyrics
- paul simon - bridge over troubled water (live) lyrics
- trini lopez - america (live) lyrics
- cruel sea - deadwood lyrics