lofe - كتاب حياتنا lyrics
دهشنا عليها ونغني زعما لامتي باش نعيش …
بلادي مستقبلها ضايع وأمل فيها مافيش ..
معاش افهمنا شي منو الي معاه الحق ..
شعب يقتل في بعضه وبراني علينا ضحك ..
الرصاص معاش افلق توا تلاقي قاذف طايش …
عيشه بديت علي البركه.منبتين فينا رعايش
..
ياحسره امتي قولنا شن تسوي دبي بحدانا لكن المكان الي الوحيد الي تعمر هو الجبانه
!في ليبيا
الأمان عدو البنادم..
مش راضي علي الوضع لكن علي ثوره مش نادم …
هما الي يخنبو وانت تخلص في فاتوره…
الليبي في جبانه اراجي في الخير ازوره…
نار تحرق في صدري ماالقتيش منو اطفيها …..
قسوره وكرامه كل واحد ينتش من جهه ..
الثوره المجيده عقبت الخمر..
وترابك يابلادي مستاحش قطرات مطر …
شوفو سمات الهم لما دموع الأم تسيل…
في بلادك ياليبي اتحس انك عابر سبيل…
عالم يطور والليبي علي روحه يدور…
بنزينه وخبزه وين ماتمشي تلقي طبور…
الموت علينا حق ونبي حقي من الاخير…
حتي مايه قطعوها وتموت لو ماعندكش بئر…
صغار نراجو في موت كرهنا عيشه ب الي فيها …
حتي موت لما تجينا تزبطنا نستنو فيها
عمري 19 وقاعد يمشي في الخصارة
سمحيني يا بلادي معادش عندي عليك حرارة
خلي نهاجر نبني روحي هنيا المستقبل منجوه
الهجرة هي الحل مدام هني حقي مسلوب
هكي ولا حلم الليبي فاقد الأمل في بلاده
يحساب بياكل خيرها لاكن هي إلي كلاته
الغلط مني لما سكن برا وساكت
ليبيا مش بلادي هكي الصورة توا بانت
يتعاركوا عالسلطة حني نتعاركو في الشيل
حاجة تقهر يا صاحبي معادش عندي حيل
لو تنزل شوارعنا تلقى عمار 18
معكس تحت السور صغير مبطل ميقراش
شعبي كله يستنى وين الثورة إلي درناها
أيامها عاشتنا حسبنى رواحنا عشناها
الخير هنيا ولا زي اليبرة في وسط القش
نقول بلادي حرة البرا يقول بلاد همج
ليبيا حذفتنا بين ناس بلا ضمير
مش مهم بلاده وشعبه يعبي جيبه ويستقيل
ديما نقول شعبي طيب وغذوة بينا تنقام
سنين تمشي بسرعة ولتوا مفيش أمان
واقع مر…
غر شن ذخلني في السياسة
ليبيا بلاد الخير وشعبها عاشر الكناسة
سمعنى قرارات وماشفناش حاجة جديدة
والشعب رضي بالهم لن قعدنا عالحديدة
يا عن بوها هالحرية كان هكي بتقعد لينا
سامحوني في التعبير هذا واقع عايشينه
هذي وجهة نظر عندي نظرة وعندك رايك
لو كنا في عيشة حلوة راني مش واقف عالمايك
ليبيا في لوحة وإلي يجي يخربش ويلبز
وفي الإنتخابات ندمت علي صبعي إلي تغطص
شوفوا يا ليبين أمس كيف كنا ولينا
صغير وإلي راه في هالعمر
وإلي أكبر منا رينا
بين الجهل والحرية تلقى ليبيا المضلومة
تلقى إلي يبيع في ترابها وعمره ما فكر يصونه
مبيتش نعطي كورس لأن في صدري هلبا كلام
لو نعبر بإلي عندي تقعد تسمع يوم تام
لو كانت الدنيا كتاب نرجع بيكم أول صفحة
صفحة 2011 لما طلعة أول صرخة
لما نادينا بالعبرة ليبيا لليبين
نحسابو العيشة بتحلى
وبتوقف أخر طلقة
هذي لعبة مختومة بش تقعد عيشتنا مرة
الدسكة هنيا تخدم واليدين تلعب من برا
وهالشاشة إلي تصور ناس الفقر ضربها
ومن قدام الشاشة ناس الحزن لا مقربها
كلام البيرو إلي يعبر قاعد ما طلع في صدري
الغصة هنناية حصلة ما تطلع لن ننزل قبري
صدقتي يا أمي لما قلتي العضمة تطلعلك في الرية
شباب حالة يبكي الهجرة حلمة في عقلي حية
نعرف من يقول يلي يخنب يمشي النار
لكن في ليبيا…
لخنب لأوروبا طار
نعرفها وسخ دنيا لكن هذا حقي فاها
هما طلعوا ثوار وأني إلي مقدم روحي لاها
بلادنا باعوها وحتى فلوس البيعة ليهم
أخ تفوه…
ناس وسخ الدنيا دينهم
البراني تشمت والغل في نص القلب الأسد لما يطيحوا سنونه يقعد مضحكة للكلب
بكينا عليها دم لكن ليبيا مع الواقف
لا ثورة لا نمي هكي بان مع المواقف
نشوف في حاجة جديدة مستقبلنى جاي بغبره
…
إسغفر الله سامحني ربي العالي
في الراجل غالي وإلي عندي عندك غالى
البيرو يوصل في سلامه لو يتم ورق الدنيا اللوفي ميتمش كلامه
لوفي والوراقي قصة معبية بأسراره حاولت نبعد الأحزان البيرو خارج عالإرادة
سامحيني بلادي نبي تقدري ضروفي
هذا كتاب حياتنا في صفحة من حياة اللوفي
Random Lyrics
- kollegah & farid bang - zieh' den rucksack aus lyrics
- humble soul - mango lyrics
- the staple singers - long walk to d.c. lyrics
- i2h - netflix lyrics
- xênia frança - nave lyrics
- aidan trostle - bad kids lyrics
- alex benjamin - let me down slowly lyrics
- elisabeth das musical - am deck der sinkenden welt lyrics
- pgtheawesome & bhuga bhengu - mgqibelo lyrics
- money man - international lyrics