a b c d e f g h i j k l m n o p q r s t u v w x y z 0 1 2 3 4 5 6 7 8 9 #

lotfi double kanon - " كلاوها " lyrics

ايجـآ مادارو حتّى دوسي جابْ نَتيجة ..
الخسارة مفييشيَة والمردود راهو ديمـآ وزن الريشة ..
شبيبة مفيشة مبيّيجية الشومـآرة هايجة ومطيّشة ..
حكومة راشية فاشلة ماشية وشادة في هاذ المعيشة
ديجـآ .. في المشاريع التجارية
راحو تلاحو باعو شاراو مادارو حاجة ايجابية
الشركات الاجنبية زعما جاية تسثتمر
وهي سرّها كان مستّر باه تسرق تسطو تتسطّر
نستكر يا ستّار .. العار راهو تحت الستار
من البزناسة تاع نفطال جماعة ارسولورميطال
من الـgro للـdéttaile .. من سيدال للسبيطار ..
ليوالا ولّا سمسار يسوق سلعة الناسيونال
– سرقو صرفو نورمال دكّو صوارد البلاد بالبالا
– الكلاب الخايبة الغدّارة . خربوها غير بهاذ الدبارة
غدروها هربو كلّ برّا حبّونا ناكلو بعضانا
كون عندي بيّـآ تاع para نعطيهم كلهم بالا بارا ..

كلاوهـآ قداه من سنة وماخلّاوها .. البلاد خلاوهـآ خيراتها كلّ خداوها
خوّاوهـآ ولاجوناس الكّل كواوهـآ – ادّاوهـآ عماوهآ وفي بير كبير رمآوهآ
كلاوهـآ قداه من سنة وماخلّاوها .. البلاد خلاوهـآ خيراتها كلّ خداوها
خوّاوهـآ ولاجوناس الكّل كواوهـآ – ادّاوهـآ عماوهآ وفي بير كبير رمآوهآ

كلاوهـآ .. ليكونومي ولّات كوشمار
الدولة دارت دي لوا شعلت بيهم المارشي نوار ..
راهو عملو غلطات كبار عملو اخطاء قويّة ثقيلة
صواردنا ولّات قديمة وماعاد عندها حتّى قيمة ..
والخدمة ولّات قليلة .. وقضينا على الاقتصاد
نسّاونا صح فالحصاد وسلمّونا للاستيراد ..
صّبحنا كيما السقّاط ليـ يشري كلّش من الخارج
والانتاج تاعنا من الداخل يا خُردة يا امّا خامج
واش ادّيـر جابولنـآ الشّر في الشارايين
.. واش يقول ليـ عندو شكارة ويشري كلّشي من لاشين ..
مارشونديس .. ديماشيين ولّا دي بياس مديتاشيين ..
من الشوفار حتى الشيفار كلّهم بالرشوة راهم يمشيو
وايماجين ومادارو حتّى مجهود ..
ولايات تاع الجنوب لليوم مصيرهم راهو مجهول
شركات tout les joure قاعدة تبومبي في الدولار ..
ولد الصحرا راهي في الغبار من تمنراست حتى لادرار ..

كلاوهـآ قداه من سنة وماخلّاوها .. البلاد خلاوهـآ خيراتها كلّ خداوها
خوّاوهـآ ولاجوناس الكّل كواوهـآ – ادّاوهـآ عماوهآ وفي بير كبير رمآوهآ

كلاوهـآ والله راهي جماعة مجرمين
شراهم هاذ الريجيم بامتيازات تحت الرجلين …
على الكرسي ديمآ هايجين جاهلين كي المجانين
يتعاملو مع هاذ الجيب كيمـآ الصهيون مع جِنين ..
شعلوهـآ كيمـآ الجحيم بالفساد في العلنية ..
ما نعرف لا علمانية ولّا عاملينها عَملية
عٍبدا كلّها مبلّية
معميّة عورة ومرمّية ماديّة دابّة ودونيّة مبنيّة بعملة مربيّة
علا ذيكـآ ديمـآ مادابيّـآ .. نفضح النّاس ليـ طامعة
ليـ راكعة بالسّمع والطاعة لعهدة الرابعة ..
احزاب راهي ساطعة تتسوّل لهاذ الموندا وهي نصّها بونديّا وكل بوندا راهي كونتر بوندا
ومسكين الجان راهو روندا قلبوه كيـ الكاميكاز
حرق سرقة ولاكاس ولا زطلة وكاشي فالرّاس ..
شراو des palace خلّصو des péta-sse ..
ومـآ قدرو يديرو حتّى سبيطار كيـ val de grace ..

- lotfi double kanon lyrics

Random Lyrics

HOT LYRICS