lotfi double kanon – djoundi / جندي lyrics
[المقطع الأول]
شكون انت ؟ أنا هو لي ديما نحرس فالحدود
شكون انت ؟ أنا هو لي نحمي الشعب من العدو
شكون أنت ؟ أنا هو الدفاع بقوة البارود
شكون أنت ؟ أنا هو لي نضحي ع الوطن ونموت
كل يوم كل نهار كي الناس الراقدة أنايا نبكر
نبدا بالصلاة ندعي نقرا ونزيد نذكر
شوية ماكلة شارجي وهز الكلاش مالثكنة
وهكذا نشهد وعلى ربي نروح نتوكل
اركب اه
راني رايح حربي للكفاح
ضد الظالم ضد الخاين ضد المجرم والسفاح
الذراع والدرع مع الرفاق تاع السلاح
ضربة وحدة قاضية قابضة قاسية تقسم النخاع
جندي يجاهد فالشتاء ولا فالبرد
ديما ساجي واقف جالس ولا منبطح فالأرض
فالصيف في نص الحر الناس تتنعم فالبحر
والجندي راو فالجبال ب100 كيلوفوق الظهر اهدر
فالبراري فالغابات و فالصحاري
غير ربي سبحانو العالي لي عالم لهنا بحوالي
أنايا أحلامي مشهم اموال تاع شكيب
انا حلمي ربي يحطني مع مليون ونص شهيد
[اللازمة]
خطاك انايا جندي مع لا.ان.بي
شي معندي فهاذ الدنيا أنايا معايا ربي
راني واعي راني واعر راني فور ورابيد
راني بر، بحر ،جو، راني مڤاجي وابلي
أنايا جندي أنايا جندي
أنايا جندي أنايا جندي
[المقطع الثاني]
مالا قول للإرهابي لي حاب يدخل الحدود
يفتحولك البيبان تاع جهنم قبل ما تموت
يا المجنون الجنود راح يجوه يجلدوه
يشدوه دمو كامل قطرة قطرة يشربوه
يرهجوه بالرصاصة الخارقة الحارقة
راح يذوق الساحقة والقوة تاع الصاعقة
ثم صح فاللقاء تجي الكتائب فرقة فرقة
راح يرحيوه بالرافال ولا يعطيوه طلقة طلقة
وين تروح رايح تلقى الجيش الشعبي بالمرصاد
في لي ميق كي الإعصار و وفي الرادار بالأرصاد
الحصار بالإصرار ، إنفصال ، انكسار
والخناجر تاع الفصال راحة تقطعك بالقسام
مهما صار فالبلاد من كوارث والزلازل
الجندي راو ديما نازل فالقرى والمنازل
يعاون فالناس العزل مايحبسوا حتى خطر
يضحي بروحو لحمو و صحتو غير في خاطر الوطن
[اللازمة]
خطاك انايا جندي مع لا.ان.بء
شي معندي فهاذ الدنيا أنايا معايا ربي
راني واعي راني واعر راني فور ورابيد
راني بر، بحر ،جو، راني مڤاجي وابلي
أنايا جندي أنايا جندي
أنايا جندي أنايا جندي
[المقطع الثالث]
اسمع أنايا جندي همومي مانحكيهاش
مشاكلي راهي اكثر من الرصاص لي فالرشاش
وعلاش نخدم بذراعي نبني ونحمي لبلاد تاعي
و ماعنديش حتى الحق فالسكن الإجتماعي
كونك واعي يا المدعي واش حتجيبلك الشهرية
وأنا أهلي ،ولادي ،عيالي متوحشهم بين عينيا
كي زادو لعوام عليا وعلاه ماشاورونيش
وكي نموت قوللهم الدية اديكا راي ماتكفينيش
مي معليش راني صابر تحيا بلادي ويحيا الشعب
أنا حياتي مشها لعب أنايا حياتي كاملة تعب
قوللهم لمعيشة الزينة خليناها للقيامة
والكروش السمنية خليناها للقيادة
[اللازمة]
خطاك انايا جندي مع لا.ان.بي
شي معندي فهاذ الدنيا أنايا معايا ربي
راني واعي راني واعر راني فور ورابيد
راني بر، بحر ،جو، راني مڤاجي وابلي
أنايا جندي أنايا جندي
أنايا جندي أنايا جندي
Random Lyrics
- galante “el emperador” feat. chang – con tantas ganas (feat. chang) lyrics
- maniac – single latino lyrics
- drake – too good lyrics
- markus schulz feat. mia koo – summer dream lyrics
- lolita de la colina – amor prohibido lyrics
- katy garbi – to ligaki lyrics
- dunes – runner lyrics
- christophe – tu te moques lyrics
- boy jumps ship – shatter lyrics
- stan oni crime – svnchxz lyrics