lotfi double kanon - incha'allah | إن شاء الله lyrics
[المقطع الأول]
راني ندير فهذا لحن مش للهو و الترفيه
آني ندير كلام يفيد نقول بالاك يأثر فيك
ما دابيا تفيق و حياتك ما تروحش فيد
مالا فيث ادعي ربي الحفيظ باه يعفيك
نعطيك نصيحة هذا هو شعاري
روح تعلم الإسلام بالبسمة تاع الشعراوي
بالشعر وليت راوي عدت نخاطب القلوب
باه نقول لهذ القوم بالك تروحو للقنوط
دعاء مقبول ما يحبسوا حتى قانون
مصير القبور مايحبسوهش أموال قارون
مكتوبة منذ قرون باه تصبح إنسان صبور
اقرا السور بين السطور
هذاك هو السيروم تاع الصدور
أي منسوخة فالصخور في نص اللوح المحفوظ
جات بالوحي على صاحب المقام المحمود
المشاكل جامي تدوم مام مهما شعلت خلاه
نبقى ديما شاد و إن شاء الله
[اللازمة]
إن شاء الله
حتلاقي الطريق
[المقطع الثاني]
إن شاء الله خويا سدد الخطا تاع رجلك
كيما قال سيدنا لقمان كي تمشي اقصد في مشيك
و لكان تشوف نفسك فشلت وجهدك عادا قليل
“تفكر الآية لي تقول “أليس الصبح بقريب”
لازم تثبت فالطريق سينون إبليس يعود قرين
التاريخ تاعو راهو قديم من وقت هابيل قتلو قابيل
التاريخ تاعو راهو قديم من وقت هابيل قتلو قابيل
لازم تكون ملي قادرين يمشو على الشوك و الشوائب
و تكون ملي قابلين باه يوصلوا و يصبروا على الشدائد
و لشاءت (لشاءت) أن بعض الحزن يسر
كن شاهد أن بعض العسر يسر
المشاكل بالصبر صدقني تسقط و تذوب
كيما صرى لهذاك الدود لي كلا لحم تاع سيدنا أيوب
مالا نوض ، المفروض أنو تتوب للودود
ما تقطعش رحمة ربي راي رحمتو بدون حدود
المشاكل جامي تتدوم مهما شعلت خلاه
ابق شاد و إن شاء الله
[اللازمة]
إن شاء الله
حتلاقي الطريق
[المقطع الثالث]
إن شاء الله توكل على رب السموات
حتى في نص الأزمات في هالزمان كلو سواد
الدعاء آو مستجاب و لو بعد سنوات
هذي وصية المصفى لي علي أفضل الصلوات
طبعا الابتلاءات ساعة ساعة راحة تقدملك
مي اعلم بلي ما يصيبك غير ربي واش كتبلك
الذنوب أي رايحة تثقلك ، كون تكثر راح تزيد تتدقق
تهدملك تهددلك بدنك ، تتبدل و بالك يتذبب
ما تكونش كيما ذاك لي كذب و تقطع الآمال
و لو تبقى في قلبك مثقال ذرة من إيمان
دير ثقة فالإله راو قاها للعباد
لي يقرب ليا بشبر نتقرب ليه بذراع
ماعنديش النبال كيما كان صلاح الدين
ما عنديش الإيمان تاع أبي بكر الصديق
أني عبد بسيط راضي بربي واش عطاه
نغلط و نتوب باه يغفرلي إن شاء الله
[اللازمة]
إن شاء الله
حتلاقي الطريق
صدقني المشاكل جامي تدوم
مهما تطول مهما تصعب الأمور يجي نهار ربي يفرج الهموم
ابق قول ابق قول ابق قول…
إن شاء الله
Random Lyrics
- popcaan - road haffi tek on lyrics
- tachenko - dame una pista lyrics
- andra generationen - sånt e livet lyrics
- baba saad - das leben ist saadcore lyrics
- hollywood hank - dr. hollywood vs. gladiac (runde 1) lyrics
- capital steez - public assembly unreleased song lyrics
- grupo bryndis - demasiado tarde (que pena) lyrics
- ethan miller - without me lyrics
- hot chocolate - sexything (re-recorded / remastered) lyrics
- ola uteligger - fire fine lænestola lyrics