lotfi double kanon – netmena ( نتمتى ) lyrics
تم شرح و إضافة هذه الكلمات عن طريق الفريق العربي لموقع راب جينيوس ، انضموا إلى صفحتنا في الفايسبوك من هنا
يا … دوبل كانون ، تحب تعرف واش نتمنى؟ تحب تعرف واش نتمنى؟
[المقطع الأول]
أنا من قلبي نتمنى لهذ الأمة
و الله غير الخير باش الناس الكل تتهنى
تنسى همها و تروح المشاكل
ما نبقاوش غير نخموا على واش نلبسوا على واش ناكلوا
نتمنى أنو صح أي إنسان
يفهم بلي الدنيا راي مبنية عالأوهام
راي مادة و أموال ، راي زينة و ألوان
و كلش راح يفض مع ليام و لعوام
نتمنى أنو كلامي راح يفيد
باه لي جون تاع اليوم ما تروحش هكاك فالفيد
ليسبوار خليه فيك مهما يكونو الصعوبات
مهما يكونو الأسباب يجي نهار الصح يبان
لأن العباد فهذ لحياة آي كالمسافر
نعيشوا أيامات و مبعد لي والا فينا يسهل
الأمر ساهل آو حنا برك لي هملنا
ربي يهدينا هذا برك واش نتمنى
[اللازمة]
يا …هذا هو واش نتمنى
نحب نشوف الناس الكل هنا تتهنى
المشاكل الكل تفوت
من الشرق للغرب من الشمال للجنوب
[المقطع الثاني]
نتمنى أنو بلادنا تطور في أقرب وقت
مشني حابها تزيد تطول
ندور الصفحة و جديدة نبداها
و الجماعة لي دات خلي بينها و ببن مولاها
نتمنى أنو تنقص العداوة
و لي مريض بالحقد إن شاء الله برك يداوى
نتمنى نكوننا خاوة بالرحمة بيناتنا
نمحيو هذ الفتنة لي همها جامي فادنا
نتمنى أنو الجون يشوف المستقبل
بالفرحة و الخير مش بالموت و الخوف فالرقبة
نتمنى يقرا باش يجيب الشهادة
و يتعلم صنعة باش تعيشو بالشهامة
نتمنى الشي هذا و مام نتمنى أكثر
ما بقيتش نحمل نشوف الدموع قاعدة تقطر
و الله نتأثر بهذ الحزن و البكا
و نقول سبحان الله الحل بين يدينا حنا
[اللازمة]
[المقطع الثالث]
نتمنى يسمعوني السوريين
قلوبنا معاكم بصح يدينا مسلسلين
نتمنى أنو بشار الأسد
يتحشر مع مرتو في جيدها حبل من مسد
نتمنى أنو تونس ترجع خضرة
و الأمور تهدا و ما تبقاش هك مخلطة
نتمنى نشوف ساحة التحرير
مصريين متحدين بلا قتل و بلا تحريق
نتمنى أنو القمع يولي حابس
من الأردن لطرابلس من غزة حتى نابلس
مشني يائس قدام قوة إسرائيل
مازلت نتمنى استقلال فلسطين
نتمنى ساعات تبانلي مستحيلة
كي نشوف هذ الحالة و ما باليد حيلة
مي الحيرة أنو قلبي متحقق
بلي يجي نعار و الأمنيات تاعي تتحقق
[اللازمة]
Random Lyrics