lotfi double kanon - style - كلمات : ستيل lyrics
تم شرح و إضافة هذه الكلمات عن طريق الفريق العربي لموقع راب جينيوس ، انضموا إلى صفحتنا في الفايسبوك من هنا
يا اسمع هذ لغناية ، لهذوك لي يعشقوا برواحهم فالمراية ، لي نهارو طول يزين روحو بسيف ، يقلك خطك الناس يحبوك تبان ستيل
[اللازمة]
يحبوك تبان ستيل يحبوك تبان زين
يحبوك تبان ستيل سينون يقولوا مسكين
يحبوك تبان ستيل يحبوك تبان زين
يحبوك تهف عليهم غير بالريح و الفستي
يحبوك تبان ستيل يحبوك تبان ستيل
يحبوك تبان ستيل يحبوك تبان ستيل
[المقطع الأول]
الناس تاع اليوم ما يهمهمش خلاه واش اسمك
كل واحد حايب يعرف قداه تدي و قداه تسلك
لي والى يعسك ما قهموش لكانك مخلص
المهم كي تخدم قداه تدي و قداه تخلص
لي يخمس معاك يشوفك بالدرقة
حاب يعرف اللبسة تاعك لكان خردة ولا مركة
مكرة حاب يعرف تريكوات منين جايين
حرين دوريجين ولا مدرحين من لاشين
زعمة برونشي و يفهم و كلشي
ديما يمشي بالفيرساتشي ولا الجوتشي
مي حتشي كون تشوفهم صح تحير
اليوم الرجال ولاو بالسراول محصورين
حاطين الحطة ، تاع من الراس للصباط
ipad للـ iphone من الـ droite لـ la gauche من
“كي تقلو “اخطاك وعلاه عليك السمير؟
يقلك خطاك الناس يحبوك تبان ستيل
[اللازمة]
[المقطع الثاني]
مالا كون نحكيو عالبنات و لا مود
القضية تعود خطيرة و توصل حتى للموت
واشبيك راك مهبول ولا مضروب للراس
كلش كلش ولا اللبسة و الماكياج
حتى لي مارياج اليوم عادوا عجب
النسا ولاو يروحوا بفاليزات تاع ذهب
الله غالب واش تحب اليوم كلش عالمظاهر
السناسل و المسايس لازم يبانوا فوق بعضاهم
البنات اليوم راهم ضحايا تاع الموضة
عمبالنا كاين بزاف اليوم مالهف ولاو موضة
كاين لي راهي مرودية كل يوم لازمها تشري
مام حاجة غالية و السومة تاعها تشوي
و كاين لي راهي تشكي و تحوس عالبوجوس
قالولها يا لعروس روحي كثري من الجلوس
الروج ولا روز ، الكحول ولا ريسيل
خطاك هذا الجيل يحبوك تبان ستيل
[اللازمة]
[المقطع الثالث]
الستيل ، آو ولى يدور حتى فالففوتبول
كاين لي راحوا دراهموا الكل فالقش تاع السبور
باش يبان زعمة برو ، باش يشابه لجبور
باه كي يشوفوه الناس يقولوا “با با با”
و كاين المغبون لي تحير واش صرالو
كون يلقى يشري شعرة ولا زوج تاع كريستيانو
هبل صحابو كل يوم غير يوصي
باعولو تقشيرة و معاها تريكو بو تاع ميسي
أنعم يا سي اليوم ولى كلش ماشي
لي والى ولى يصبغ شعرو أصفر كيما شاوشي
يقول للغاشي انهبلكم درك باللوك
و يعطيها كي زياني بالكوب تاع السردوك
زيد يرحم بوك عمبالك مش رح يبقى
لازم كيما مبولحي توشيمة هنا فالرقبة
و زيدلها ثقبة ولا زوج فالوذنين
و منقاشة ولا اثنين باش تبان صح ستيل
[اللازمة]
Random Lyrics
- allday - girls in jeans lyrics
- saul williams - magnify the feeling lyrics
- jay complex - tokelore lyrics
- twindem - apology lyrics
- royal-x - pound cake remix - (preview) lyrics
- jak tripper - delirium lyrics
- gravediggaz - what's wrong with you? lyrics
- allday - find me lyrics
- airling - shut the light out lyrics
- wilson pickett - sweet soul music lyrics