lumsk - under der linden lyrics
[songtext zu „under der linden“]
under der linden
an der heide
dâ unser zweier bette was
dâ muget ir vinden
schône beide
gebrochen bluomen unde gras
vor dem walde in einem tal
tandaradei
schône sanc diu nahtegal
ich kam gegangen
zuo der ouwe:
dô was mîn friedel komen ê
dâ wart ich empfangen
hêre frouwe
daz ich bin saelic iemer mê
kuster mich? wol tûsentstunt:
tandaradei
seht wie rôt mir ist der munt
dô het er gemachet
alsô rîche
von bluomen eine bettestat
des wirt noch gelachet
inneclîche
k+mt iemen an daz selbe pfat
bî den rôsen er wol mac
tandaradei
merken wâ mirz houbet lac
daz er bî mir laege
wessez iemen
(nu enwelle got!), sô schamt ich mich
wes er mit mir pflaege
niemer niemen
bevinde daz, wan er und ich
und ein kleinez vogellîn:
tandaradei
daz mac wol getriuwe sîn
Random Lyrics
- catie turner - hometown lyrics
- coolie18 - outro lyrics
- alex lahey - on the way down lyrics
- delaossa - bares de viejos lyrics
- carter c - skype song lyrics
- maktkamp - autosapiens lyrics
- ingrime - terapeuta lyrics
- fer y julio - son risas lyrics
- stuck - freak frequency lyrics
- ryu the real mc - adevarata fata lyrics