macimora - ракеты lyrics
зямлю абміналі каметы
нібыта заклятае месца
а мы будавалі ракеты
бо нам на зямлі стала цесна
трывала трымалі планету
абдоймы зямных гравітацый
а мы будавалі ракеты
каб зрэшты ад іх адарвацца
а мы будавалі ракеты
і з промняў былі рыштаванні
насуперак кепскім прыкметам
зацята мы іх штукавалі
мы люкі цікаўнасцю шклілі
упэўнена грукалі клёпкі
шасцерні падносіла кліа
парэнчы віла каліёпа
а ў соплах насенне натхнення
каб неба ўбралася ў мальвы
барвовыя восеньскіх сненняў
і белыя сподзеваў маю
між тым за няўгледжанай коскай
найменшай з нязначных трагедый
зямля аказалася плоскай
а мы будавалі ракеты
гэй бэйбус
кім ты хочаш стаць калі вырасцеш
мо будаўніком
каб раслі дамы наўсцяж
помніш як ты падабраў шчаня
ля таго двара
і пасля гуляў з ім у добрага доктара
помніш ты хацеў стаць кіроўцам тралейбуса
каб катаць бясплатна дарослых і бэйбусаў
але ж летуценнік расце
што ж то робіцца
колькі можна ў зорнае неба таропіцца
з гэтым не сябруй ён блазан і хам
што табе той тэлескоп лепей самакат
ну+ка дзённік пакажы
ці зрабіў ўрокі ўсе
мо забыў як у мінулы раз асароміўся
скуль мне ведаць дзе іх вучаць быць капітанамі
не тлумі мне галаву бязглуздымі пытаннямі
ды колькі б гэтых зор праз шклопакеты не кранаў ты
усё адно такіх не бяруць у касманаўты
дарослыя гульні ў космас
дазвольце на старт ды дзе там
зямля аказалася плоскай
а мы будавалі ракеты
Random Lyrics
- kenyon dixon - expectations (interlude) [extended] lyrics
- phyllisia ross - hate leaving like this lyrics
- nicole zell - 7 years lyrics
- mridul kala - the only thing lyrics
- seelennacht - s.o.s. lyrics
- pelados - tragédia inventada lyrics
- zachy-poo - dog rap deleted (made by lyrics
- father guido sarducci - i won't be twisting this christmas lyrics
- fmk mikey - crash out lyrics
- gable price and friends - treason lyrics