a b c d e f g h i j k l m n o p q r s t u v w x y z 0 1 2 3 4 5 6 7 8 9 #

madih - ghyoum - غيوم lyrics

[verse-1]
ببص للغيوم و مش عارف هتليل امته
مطبق من امبارح فاكرنها كدبة
فاكريني عايش قصة حب زي هيبتا
ديسمبر الفات , كنت فاكرك جمبي لسه
متمنتش اشوفك تاني ابرد من تلاجة بيتنا
بردك برد يناير في التجمع الساعة ستة
حتي لسة فاكر رعشة جسمي من ساعتها
محاولة فاشلة لحل مشاكلنا يمكن تختفي
سرحت بخيالي بشكل غير عاطفي
كأني كنت بتف علي الشمس عشان تنطفي
كلامي مش منطقي
حبوب سعادة في شنطتي
و لما جيت اضرب طلقتي
كان طريقها غير منطقي
طريقها كان نبضتي
ياريتها كانت غلطتي
انزيمات قلبي اتاكلت
مبقاش ليها مفعول
انسي مات قلبي
و السبب هيفضل مجهول

[verse-2]
هكتب عنك تاني
بختلاف شوية معاني
رغم البلوك فهي لسة متبعاني
وجعالي دماغي بقابلها فكل احلامي
امنيتي الوحيدة اني مشفهاش تاني
مدمنين مسكنات
كل الحصل مبينا كان ماضي و فات
صحيت من النوم تلت ميسدات
كنت ناوي اكمل نومي
و اضطريت اقوم
لأنها هتنطلي فحلمي
زي كل يوم

[pre-verse]
بس انت عارف
موضوع ان محدش باقي علي حد ده عادي
مينفعش تزعل
انا كمان مش بزعل
عادي

[verse-3]
مش بزعل عالفات
بتبسطني الذكريات
بتعلم منها من سكات
باعد نفسي عنك
بصون كرامة الذات
غيومي مطرت
كنتي لسة واقفة هناك
حياتي اتدمرت
i’m never returning back
مكانش الشتا الفات
ده حلم امبارح و مات
مش ناسي الحصل
كأنه من اسبوع الفات
believe me i’ve learnt from that
و ادي الأيام بتعلم
و ادينا بنستفاد

[verse-4]
بودع ناس في كل محطة فحياتي
باخد الخبطة فدماغي
فبعقد الربطة من تاني
بس الوقت اتأخر
بجري بعد عقارب الساعة بتمنظر
مش لازم تستفسر
فعلا مبحبش اخسر
انا ماشي فطريقي مش اكتر
يمكن الوقت ساعفني
بستغلة مش بهزر
حياتك خبط خبط
و الدنيا ضربة و لازم تتصد
الواقع مش بإيدك
عمرك ما رسيتي علي سفينة
بس متبصيش تحت رجلك
و تقولي المرسي بعيده
محدش ضربِك علي ايدك
نسيتك من فترة طويلة
كانت غلطتي اني سبتلك الخريطة
مكنتش شايف
من مستقبلي كنت خايف
محدش جمبي كله لمصلحته شايف
زيادة عن بهدلتك مفيش جوايز
وقت زيادة يضيع فحياتي مش هقبل
لو طلبتي مني مساعدة فكراني هقبل
سألتني انت من هنا ؟
قولتلها من المستقبل

[outro]
تفتكر قرار انك متدايق علي حاجة عدت ده صح ؟
تفتكر ان هي حاجة مستاهلة يعني ؟
….فكر تاني

- madih lyrics

Random Lyrics

HOT LYRICS