a b c d e f g h i j k l m n o p q r s t u v w x y z 0 1 2 3 4 5 6 7 8 9 #

magma - leghlaf lyrics

paroles de magma “leghlaf”
[المقطع]
كنتسنا التوبة تجي قبل ما الباب يتسد
كنتسنى فوقتي و الوقت ما كيتسنى حد
بين ظالم و مظلوم قريت القانون غير فسبورة
فعيد ميلاد الزنقة كنطفيو الشمع فوق ياجورة
حل عينيك و فهم باللي بنادم غير منتوج
و باللي راك بصير لا كنتي تشوف غير بعينيك بجوج
إبليس خاشي فينا نيابو
كنقول لذنوبي واش آ المرض كتجاوبني واش آ سبابوا
همومي بحور و ربي بجوج ركعات نساني
المعنى فات و نتا كتقلب عالعظام فلساني
فايق تاني كيبان مني غير مختصر
الراب محتضر و أنا راجع كيفما المهدي المنتظر
كنخلص ديني فوق الأرض بين السفاحة
حيث العنوان ديالي كال تفاحة
الحرام فالشوفة عمرو زيان
عليها كنتيق فاللي خلقني واخا باقي ماعرفتوش مزيان
كنشوف شي حوايج خلات سخطي ناض
الرجال متعري عالكتاف و البنات كتعري عالفخاض
شلى دراري تقول ماكايناش خدمة و بلاش
حيث فالراي قالو ليهم ما عندناش و ما خصناش
كنعوم قلوب الناس واخا قلبي فيه بياسة
كندير موسيقا نقية واخا يقولو الراب نجاسة
ماشي من صحاب الهبال و التهلال
سول عبد الباري بحال خيزو موسيقتي حلال
2014 و باقي لضرابو هاز
أنا همي القبلة و نتا همك ثمن بوطا غاز
قايس الفوندو ديال السقف مع المكتبة شاري جورة
بحالا غانبدل الدنيا بماستر و لا دكتورة لا
الشيطان كاعما كيتسنى توبتك
عنداك تسد كتوبتك حوفر و تسنا نوبتك
20 thèmes ف couplet
punchline chunky
كتابة suicidaire طايحا ف ديكوفير بنكي
سميني الواقع و الإعلام مني منكري
و بوزبال ما عندوش معايا بحالي بحال الفياق بكري
الحرية أكبر حبس و أنا لاعب دوري
ربي حرمي من صباعي لاكانت الفتنة فسطوري
بغيت نبدل الدنيا الدنيا دلاتني
عليها الثقة غير فالله و اللي ولداتني
حيث مورا عشرة شلا عوام
حلامي كتموت فكرش الدنيا قبل ما كتشوف وسخ ليام
منافق راسي فوجه الدنيا دارب ماسك
بحالا قلتي غدا باغي نلقى ربي دارب كاسك
غالو تكايس مصيرك جهنم و لا شي بلان
ما كنخافش أنا شافر صكوك الغفران
مكالي دموع بلادي شتا عقلي خاتر فالكتبة
و الضحك فحياتي قليل بحال تصاوري مع با
الحرام فالشوفة عمرو زيان
باغي لكذوب تمزڭ ليهم باغي الحق حل القرآن

- magma lyrics

Random Lyrics

HOT LYRICS