a b c d e f g h i j k l m n o p q r s t u v w x y z 0 1 2 3 4 5 6 7 8 9 #

mahmoud faysal - mogtamaa a3ma - مجتمع اعمى lyrics

Loading...

[ verse 1 : ]
بتحاول تنسى كل قهرة كل كسرة كل صدمة كل مرة كله قالك جرب مرة
بتجرب كل حاجة عمرك ما حسيت بالخوف ، دايما قاعد جوا القاع عمرك ما عالوش تطوف

تعد تفكر كل ليلة في كل لحظة عدت
مستفدتش بيها كانت بالنسبة لبحرك مركب
مخك متكركب نص الليل همك يترتب
محدش يسمع عنك بس انا اللي باسمك هكتب

فكرت تطلع بره الف مره و مره و لما طلعت من الصندوق لقيتهم بقوا حبسينك برا
واقف تتفرج تسمع صوتها تروح متكربج
بارد جدا من برا بس من جوا جهنم ارحم

عايز تعملك عالم تاني تعيشو لوحدك تفضل زي ما انت فوق بس ميشدوش من تحتك
هيحاولوا يكسروا نحتك مش متشاف في وسط الزحمة ، عايز تتقدر اطلع برا برا احلى

عمرك ما كنت فاشل بس هما مش فاهمينك عارف لما الناس تكرهك عشان تفكيرهم غير تفكيرك ، كمل لوحدك امسك انت بنفسك ايدك ، و افتكر لما توصل ان كل دول عبيدك

[ chorus : ]

مجتمع اعمى حاسس ان صابتنا لعنة
مش قادرين نكمل الا لو صديقنا معنا
قولي ازاي نكمل حتى صديقنا ملهاش معنى
قولي فرق واحد قبل و بعد ما اتجمعنا

عايز تعاديهم ولا تبقى نسخة فيهم
قلبك حبهم فعلا ولا ده وش لابسه ليهم
اعديهم ، فاكرين تفكيرك عبد ليهم
اخطف احلى واحدة و عالحصان قولها انسيهم

[ verse 2: ]
دقيت لبابهم يمكن مرتين تلاتة و لما فتحوا قفلت تاني محدش واخد منها حاجة
فكرت فيها لقيت ملهاش مفتاح سعادة
طب فكر اكتر نفسك بس طريق اسعادكً

سندت عليهم سدوا ولا وقعو بيك
قادر تفهم ليه سابتك مع ان المشكلة مش فيك
حابين قعدتك فعلا ولا عشان النكتة فيك
طب قولي لما مرضت كام واحد دعاه يشفيك

وشوش كدابة في وشك عسل ضهرك سم
طريقنا واد في المصلحة بس في السكينة بيسن
واصل لدرجة حياتك جد ولا فيلم
أعصابك فالتة بقيت في الحرب مستجم

خارج قطيعهم بس شكلك و اسمك منهم
مقدرتش تبعد عنهم بس قدرت تبقى غيرهم
نفذت وعدك لما قولت في يوم هسيبهم
نايمين في العسل و بسمك صحيت ضميرهم

[ chorus : ]

‎مجتمع اعمى حاسس ان صابتنا لعنة
مش قادرين نكمل الا لو صديقنا معنا
قولي ازاي نكمل حتى صديقنا ملهاش معنى
قولي فرق واحد قبل و بعد ما اتجمعنا

عايز تعاديهم ولا تبقى نسخة فيهم
قلبك حبهم فعلا ولا ده وش لابسه ليهم
اعديهم ، فاكرين تفكيرك عبد ليهم
اخطف احلى واحدة و عالحصان قولها انسيهم

————————————-

ايام بتغير انت بس لسة ثابت
الف مرة جابوك من تحت و انت لسة في ضهرك شادد
خارج عن طوعهم فا انت بقيت الابن الجاحد
بادئ من الصفر بس هتبقى رقم واحد

- mahmoud faysal lyrics

Random Lyrics

HOT LYRICS

Loading...