malinky - edom o gordon lyrics
it fell aboot the martinmas time
when the wind blew shrill and cauld
cried edom o’ gordon tae his men
“we maun draw tae some hauld”
“whit hauld, whit hauld,” cried his merry men
“whit hauld sal we gang tae?”
“it’s tae towie’s hoose that we maun ride
and see yon fair lady”
she thocht it was her ain dear lord
that she saw ridin’ hame
but was the traitor edom o’ gordon
that rik nae sin nor shame
“come doon, come doon, lady campbell,” he cried
“and gie yer hoose tae me
or else this nicht i swear i’ll burn
ye an’ yer bairnies three”
“i winna come doon,” the lady cried
“for laird nor yet for loon
nor yet for any rank robber
that comes frae auchendoon”
the lady frae the battlements
twa bullets she let flee
but it missed its mark wi’ gordon
for it scarcely grazed his knee
“lady campbell,” the gordon cried
“that shot will cost you dear”
an’ he has ca’ed tae his ain jock
tae bring the f-ggots near
“i winna come doon, ye fause gordon
i winna gie up tae ye
i winna forsake ma ain dear lord
that is sae far frae me”
then up and spak her youngest son
sat on the nooris’s knee
“oh open the door and let me oot
for this reek is choking me”
“i wid gie up ma gowd,” she cried
“ma siller and ma fee
for a blast o’ the whistling wind
tae blaw this reek frae me”
then oot an’ spak her dochter dear
she wis baith jimp and sma’
“oh row me in a pair o’ sheets
and throw me ower the wa'”
they rowed her in a pair o’ sheets
and threw her ower the wa’
but on the point o’ the gordon’s sword
she got a deidly fa’
then gordon turned her ower and ower
and oh her face was white
ah micht had spared that bonny face
tae be some man’s delight
oh pity on yon fair castle
that was biggit wi’ stane and lime
and wae for lady campbell herself
burnt wi’ her bairnies nine
oh three o’ them were mairried wives
and three o’ them were bairns
and three o’ them were leal maidens
that ne’er lay in young men’s airms
Random Lyrics
- arab (pl) - myśl co mówisz lyrics
- filipe ret - faça você mesmo lyrics
- mozzy - i’ll never tell em shit lyrics
- pseudo echo - stranger in me lyrics
- unge lovene - jada jada jada lyrics
- zayde wolf - breathing oxygen lyrics
- cozi zuehlsdorff - brave souls lyrics
- mp on the track - trying to forget lyrics
- naomi preizler - follow 666 lyrics
- nashville cast - love is loud lyrics