mani matter - hie ir schwyz lyrics
hie ir schwyz da hei d’politiker
fasch geng e gsunde schlaf
s’isch der lohn vom guete gwüsse
si sy würklech alli brav
denn si glouben a d’regierig
wo alles weis und alles cha
und drum säge si zu allem
was da chunnt geng nume ja
doch vereinzelt git’s au setig
wett fasch säge schwarzi schaf
wo uf alls e grossi wuet hei
die si gar nid öppe brav
gloube gar nüt der regierig
wo nüt so macht wi si’s wei
und drum säge si zu allem
was da chunnt geng nume nei
und will die so destruktiv sy
sy die andre dopplet brav
und wil die so dopplet brav sy
disi ersch rächt schwarzi schaf
s’macht der aschyn, d-ss mir nume
die zwo müglechkeite hei
d-ss men immer nume ja seit
oder immer nume nei
wivil schöner wär’s, die vile
hätte nid so gsunde schlaf
und sie wären e chly kritisch
glychs gilt für die schwarze schaf
nume däwäg isch es müglech
d-ss mir mal dä zuestand hei
wo me je nach däm was chunnt ou
mängisch ja seit, mängisch nei
Random Lyrics
- engelbert humperdinck - there's no good in goodbye lyrics
- superchunk - total eclipse lyrics
- taburete - caminito a motel lyrics
- wordup! battles - crack-a-starr vs mike mess lyrics
- sancak - nereye gidiyorsun lyrics
- yung hydrate x chino - hydrate mixtape (feat. lil pube) lyrics
- skedel - skijnwerpers lyrics
- ambassador mc - justice for zainab lyrics
- jim nabors - in the garden lyrics
- evan nicholson - getting gains lyrics