a b c d e f g h i j k l m n o p q r s t u v w x y z 0 1 2 3 4 5 6 7 8 9 #

marwan moussa - aloomek | ألومِك lyrics

aloomek | ألومِك lyrics
[المقطع الأول]
صورتك متعلقة ورا جفني
كلب رومانسي إنت عارفني
ماتش في التكسكة، إنتي بتغشي
بيبي في الماتشات دي أنا ببقى ميسي
مش منظرة
لا، ده اللي جابنا لورا
السكة دي مكسرة
والأجواء دي محجرة
ردود فعل بأڤورة
برضو راضي بالضرر

[اللازمة 1]
عشان إنتي مخدراتي
عقلي داخل في نقاش مع قلبي نسيبك مش راضي
بيقوله دي مراتي وبيتكلم في الماضي
قولناله قلبي وفر كلامك، ده حل إقتصادي

[المقطع الثاني]
كان عندي أحلام
كان عندي أحلام ليا وليكي، باصص لقدام
بس أجلنا كلامنا والزمن دفعنا الحساب
(حصل حصل)
وزهقت من الألعاب، مفيش طاقة للخناق
بس ساعات بتسحل فيها وببقى لازم أطلع كسبان
هي دي التكسكة
هو ده الغرور
ego هو ده الـ
مش هو ده المطلوب
سهرة معاكي على الروف
gooseوواحد ‏ havana club
الفكرة مش أنك تبوس
الفكرة بس إنك تفوز
الفكرة بس إنك تعوم
الفكرة بس إنها تدوم
كليب لحد الصبح رجعت البيت وقمت نايم أنا بالهدوم
كل حاجة بالهدوء
بيني وبينك في عقود
خالفتي كل البنود
[اللازمة 2]
وألومِك ألومِك ألومِك
طعنتيني إنتي في ضهري
في لحظة ما كنت محتاجلك سند جاتلي الضربة منك في الفقري
الموقف ده ما كانش في صالحي
عديت منه لحسن حظي
سبتيني لوحدي فيها فمقامك عندي بقى تحت الدور الأرضي

[بعد اللازمة]
وإبقي إقنعي نفسك
بأي شيء يناسبك
خلاص مابقيتش حاسك
شخصيتك بقت بلاستيك
والمرة دي بجد فركش
هلعبها ومش هتفرق
نمرتك عندي قدمت
الوردة الحمرا دبلت

[جسر]
بعد كل الأيام
تيجي أنتي من تاني
لازم أحاول أنساكي
لسه مش عارف أنساكي
والقصة مابقيتش عجباني
شهر إتناشر شهر خمسة شهر ستة شهر خمسة اااااعععع
كل ليلة لسه في دماغي
وبنتحول، نتحول
لناس إحنا مش حابينها من الأول
كنا نقول إحنا كارهينها، بنجود
طلعت مشاكلنا، كلمة إتقالت بيني وبينها
[اللازمة 1]
بس أنتي مخدراتي
عقلي داخل في نقاش مع قلبي نسيبك مش راضي
بيقوله دي مراتي
وبيتكلم في الماضي
قولناله قلبي وفر كلامك، ده حل إقتصادي

[المقطع الثالث]
نفسي أهرب من البشر
وأبقى لوحدي في المرايا
لو مكتوبلي سكة سفر
همضي العقد في الولاية
أمي معايا في الرعاية
وأنا دوري الحماية
ما حبيتش إني أعمل ده دعاية
حابس كل ده جوايا

[جسر]
أنا حاسس إنه مش هينفع نرجع
بس أنا عطشان والسراب ده بيلمع
أنا حاسس إنه مش هينفع نرجع
علشان لو جات في قلبي تاني هتلدع
حاسس إنه كله بايظ بيننا
الأحمر اللي في قلبك بقي رايح سنة
وحضني معبي دموعك بس مراعي اللي بيننا
قالتلي مني ومنك، ده سمي وسمك
لا
[اللازمة 2]
ألومِك ألومِك ألومِك
طعنتيني إنتي في ضهري
في لحظة ما كنت محتاجلك سند جاتلي الضربة منك في الفقري
الموقف ده مكانش في صالحي
عديت منه لحسن حظي
سبتيني لوحدي فيها فمقامك عندي بقى تحت الدور الأرضي

[بعد اللازمة]
وإبقي إقنعي نفسك
بأي شئ يناسبك
خلاص مابقيتش حاسك
شخصيتك بقت بلاستيك
والمرة دي بجد فركش
هلعبها ومش هتفرق
نمرتك عندي قدمت
الوردة الحمرا دبلت

- marwan moussa lyrics

Random Lyrics

HOT LYRICS