a b c d e f g h i j k l m n o p q r s t u v w x y z 0 1 2 3 4 5 6 7 8 9 #

marwan moussa - marwan moussa - matar | مروان موسى - مطار lyrics

Loading...

[اللازمة]
هدّيك سببين، الدنيا غريبة والغيرة في العين
24 سنة صراحة مش عارف تيّارها واخدني ورايحين على فين
بحب الهزار بس حاسب النار
عيلتي من البلد وبناخد التار
وقت المعركة مش بدي إنذار
لازم قرار، حاسس ان انا في مطار

[المقطع الأول]
وصلت متأخر ومش لاقي تذاكر
الناحية دي مسافر ، والناحية دي مهاجر
بس من الآخر، اللي في أصولي ورجولتي دا نادر
وفي زمن السوشيال ، عبادة اللايك بتخلي المحترم كداب ومنافق
واثق من نفسي ومش لازم اتّنك في القعدة وأفهم الناس إني خارق
يمكن دي غلطة
شوفوا الأغاني اللي ضاربة
لأ المجال مش في ورطة
طبيعي الغلابة بتدوس على بعض عشان يبقوا في يوم من الايام العمالقة

ماحبش أشتكي
بحب أبقى واضح مع نفسي وادوّر والاقي غلطتي
فـ عرفت سكتي
هنا في دايرتي، أفكارنا في الجون وكلامنا منطقي
شوفت حب، كره، خيانة، غدر
الكلام رخيص والكدب سهل
بقيتوا إزاي أعداء ما كنتوا الأهل؟
بقيّم الشخصية مش الشكل

بمناسبة الشكل
مايغرّكش لون الشعر
إنك تقل مني صعب
هتلاقي نفسك إتسرعت
هتلاقي الضرب ورا بعض
حقي بيتسابش والشخص اللي بييجي في سكتي بفضاله
لو مش وصلاله ف معايا الكتيبة هانسمم البيرة ونسرب اسراره

في الماضي فوّتّ في مواقف كتير واتخدعت
واتعلمت فيما بعد
إن فيه اللي بيهرج لو جت على حسابي هتغابى ، والذكرى هديها بالكعب
ننسى اللي حصل، لما ينزل المطر
وعد كان بيننا واتكسر
بنثق في كلاب، وبنخوّن البشر
شوفت سخرية القدر؟

بتعلم احط للناس في التعامل حدود
الدنية ارانب واسود
في اللي هيحبك لله بالمجاني، في اللي بيخُون مهما كان المجهود
ممتن لمواقف خلتني ابقى راجل،
قدامي اختيار، وربما يكون خاطئ
مش هقعد أماطل
الدنيا بتتغير فـ لازم هنخاطر

هنجازف ونفوز مش هنعيش من سكات
مش بتتشاف ورا شيش وشباك
بفهم في الفن وبتكلم لغات
فعلا مفيش وقت للتأملات
ولا البكاء
الناس دي بتتباهى بالبخل
في حاجة أهم من الشغل
رايح البلد، راجع من البلد
كل إسبوع
عمري ما دوخت
عمري ما كنت أي حاجة غير أسطورة
برة المزيكا أسطورة
الناس دي مجرد مشهورة
في الحقيقة غير الصورة

جوايا وجع مش هاينفع يتحكي في اغنية حزينة
خواطر مؤلمة، نفسية تعبانة، عيون مزغللة والنية سليمة
عاملينلي اجانب
وبيكرهوا نفسهم… ارجعوا لاصلكوا الثقافة دي اتهانت

[اللازمة]
هدّيك سببين، الدنيا غريبة والغيرة في العين
24 سنة صراحة مش عارف تيّارها واخدني ورايحين على فين
بحب الهزار بس حاسب النار
عيلتي من البلد وبناخد التار
وقت المعركة مش بدي إنذار
لازم قرار، حاسس ان انا في مطار

- marwan moussa lyrics

Random Lyrics

HOT LYRICS

Loading...