matoub lounes - lɣella n trad lyrics
asmi akken nɣil tefra
ur tefri ara
i wassa amek ara tefru
xas akken teffeɣ fṛansa
ayen i ɣ+d+tessegra
d amqennin ur nḥellu
txelq+aɣ+d zzuεama
nnan+asen attan d trika
gzert+tt mebla akukru
laẓ ad d+tseffeḍ leqṛaya
deg+neɣ iṛekkez itekka
imi lakul d aɣuṛṛu
ay a mmi ur k+ḍmineɣ ara
tamusni d lehna
di tmurt itetten arraw+is
tutlayt i d+nekkes i fṛansa
s laṛwaḥ n ccuhada
neqḍen+tt i uzzayri deg yiles+is
di tnexṣaṣ i deg i d+negra
a nhemmel ad nteddu ur nezṛa
am lmal yеnker bab+is
xas nezreε ulac lɣеlla
γef idammen teswa lqaεa
amusnaw yejreḥ wul+is
asmi akken nsenned s uffal
nerra+t d lettkal
i nesderɣel taggara
lemmer nettḥezzib i ccwal
uqbel ad ilal
ur ttiɣzifent tmucuha
assa aεdaw yetɣebbel iḍal
iḍal nnig lmuḥal
wiss ma ad s+tizmir tirrugza
tagnit tεedda lmiḥlal
iṛumeq+aɣ+d layas facal
nugad at+teɣbu ccetla
taluft amek ara tekfu
xas tebɣa ad tekfu
d acu ara d+teǧǧ ma tekfa
amdan yekcem burekku
deg was amenzu
mi akken i s+wehhan lqebla
izi ad s+yekcem s aqeṛṛu
i medden ad ifettu
d ddin i d ddwa n lmeḥna
izi ad s+yekcem s aqeṛṛu
i medden ad ifettu
d ddin i d ddwa n lmeḥna
Random Lyrics
- gdeddipurp - pfap (dont like donald trump promise) lyrics
- фрай (@fry.frai) - формула (formula) lyrics
- lmakina - saudade lyrics
- jake segura - my name is memory lyrics
- jdflag - sоу wat lyrics
- aryan from the favela - take a touch lyrics
- rushinkiddo - st4r lyrics
- akl madz - major league lyrics
- ademlicht - laatste generatie lyrics
- mangy bones - chupacabra lyrics