a b c d e f g h i j k l m n o p q r s t u v w x y z 0 1 2 3 4 5 6 7 8 9 #

mbs - chkoune aalih elloum lyrics

[dey med : المقطع الأوّل]
تــربّينا في حــومة وين الصغّار يخـــمّوا حاجة وحدة
قـــهـوة في يـــدّو، ڨـارّو في فـمّو ســمّاعة فــي وذنو
يستخلوى بكاسيطا “حسني” من داك دحمان الحرّاشي
كـــــــــــــي تــــبدا “يــــــــــا الــــرّايــــح” يــطــفّــي
ديــك مـــــا قــاســتــنــي ، لــي قــاســتو وقــتــو راح
راه مــــــع ولادو فــــــي دارو مـــــــــا اســــتــــراح
يا الـــرّايح وين تروح نسافر معاك وين تروح ما نعيا
إلا ولّــــــيـــتـــلك حــــــكــــــــــاية وحـــد أخــــــرى
دوك رانـــا مـــع حـــكاية مـــعيشتـــنا اللّـــي قبــاحت
الصــــــــغّار اللّــــي رفــــد لــي بــــاڨــاج و فــــحّت
فــــحّت مع ولاد لبـــــلاد اللّــــي ڨـــطعوا لبــــــحور
مــــــــــا لاقش بيــــــهم الدّيكور، غير يطبّعوا مالّلور
figurant … جــــــــــــاي رايــــــــــــــــــــــــــح
figurant … جــــــــــــاي رايــــــــــــــــــــــــــح
مــــــا لــڨــاش بــلاصــــتو فــالسّــــينــــاريــــــــــــو
فــي جــــيهة وحــدة اخـرى راح يحوّس على زهرو
يقــــــــبـل يــــــــعيش ، كونــــــــداني تـــــــــــــعيش

[hadjira / redouane / dey med : 1 اللاّزمة]
غــــــريب مرغوم في بـــلاد الرّوم
يــوم يجيب يوم شكون عليه اللّوم ؟

[dey med : المقطع الثّاني]
تــــاع الغربة l’idée كــــــــــــــــبــرت فــــي راســو
ما يــسال فيها pourtant شــــــــــايفها جنّة فالأرض
تــــــــــــبلعيط ، ســياسة ، ظـرافة ، ما فادوا فالكونسيلا
ســــــــــــمير ، ســليم ، حــسان ، الله يــذكــركـم بالخير
كــــــــــــمّلتوا عــليّا بــتصــاوركــم فــي بــلاد الــــخير
لــحبـيبو يشكي “والو والو”، نتوما ما تديروناش الكاشي
نـــــــــــــلاشــي ، نوصــــــل تــــم نــطلڨ هــــــبــالــي
ليل و نــهار “paris” نـــــــعيش حــياتي حكاولي على
en noir نـــــــــــحــــــــط رجـــــــــلي نـــــــــــخــدم
نــــــــــــــــــــــدير فـــيـــــــــها ڨـــــــــــــاوريـــة و دار
samedi soir و نـــــــــــــــــروبـــــلها بــــــــــــــــ
و مـــا ننساش العايلة خطرة على خطرة نرفدهم بحويجة
نــــــــــجي نبـــــني يفّـــــرحـــــوا بـــــيّا ، يفّــــرحوا بيّا
عـــــلاه ماشـــــي في بـــــلادي يفّـــــرحـــــوا بيّــــــــا ؟
ربّــــــــاتنـــــي و كبــــرتنــــي بــــدّلتها بــــڨــــاوريــــة
عـــــلاه ماشـــــي في بـــــلادي يفّـــــرحـــــوا بيّــــــــا ؟
نــــــــــلوم عـــــــليكم اللّــــــي خــــــــــــمّجتوا العـقـلـية

[hadjira / redouane / dey med : 2 اللاّزمة]
غــــــريب مرغوم في بـــلاد الرّوم
! أ يـــا يـــا يـــا، أو يـــو يـــو يـــو
غــــــريب مرغوم في بـــلاد الرّوم
يــوم يجيب يوم شكون عليه اللّوم ؟
غــــــريب مرغوم في بـــلاد الرّوم
! أ يـــا يـــا يـــا، أو يـــو يـــو يـــو
غــــــريب مرغوم في بـــلاد الرّوم
يــوم يجيب يوم كاسب غير النجّوم

[rabah donquishoot : المقطع الثّالث]
هــــدرة تــــجيب هــــدرة و طــــلعت الڨسرة ڨدّام باب الدار
في باطيمة مدّمرة و بدات لعجوز تحكي على وليدها الغريب
فــــي بــــالي راح تبـــــكي و تــتـوحّـــــــــش لــــــــــحبيب
جابتها بالضّــــــــــــــــــحكة و الفــــــــــــــــــــــرحة فالعين
“و حـــــــــنا ڨـــــــــــــــــاع : “آمــين، الله يوفق محمد نسيم
و عـــــــــــــــلاش الــــــتّخـــمام ؟ و عــــــــــــلاش تتقلّق ؟
ماشي ڨلبي لي بارد” علابــــــالي يا يــــــــمّا و عندك الحق”
تــــــــــــتفكر كـــــــــان ڨـــــــــاعد فــــــالحوش مسمّـــــــر
مـــــــــا عنـــدو ما يــــــــــــدير وو يشــــــــــــوف فلبــــحر
كــــــــــــاش نــــــــــــهار نڨــــــــطعو و نــــــــدير و نصير
نبعــــــــــــتلك بــــــــوكو تــــــــيكي نبــــني شاطــــــو كبير
“ڨـــــــــــــــــــــــــــــاتلو : “روح يا وليدي عقلك راح يطير
و نــــــــــــــــهار طــــــــــولّ في برّة ڨالولها راي اطرطڨت
بــــــــــــــــــــدات لابانيك و الـــــــــــــــــــــــكبدة تــــــتفتّت
بكـــات حـــتى نشــــافتو، حضــــــناتـــو بـــــــاش سكـــــتت
في لا جوانا في يــــــــدو جــــــــابوهولــــــــها مسلـــــــــسل
“ونهار جاب الفيــــــزا قاتلــــو: “روح يا وليدي الله يسهّـــــل
ماشــــــي هو اللّــــــول لي الــــــــــيــــــوم راح يـــــــهمــــل
مــــــازال دزايــــــــــر تـــــفــــــــرغ مـــــــازال تتـــــــكمّل
كــــــــــــــل دار فـــــــــــي الـــــــــحومة دارت اســــــم بلاد
فــي بـــــــاري في لونــــــــدر، رفـــــــــــدت اومـــــــــباساد
la résidence مــــــــــحمد راو لابــــــــــاس اعطاولــــو
à l’avance والــــــــكارطـا تاع لارمــــــــــي جـــــــــــابها
فــــــي الصيـــــف يهبط بسيـــــــارة، وأنا في باطيمـتي ضايع
بــــــــروبلام صغيــــــر: طــــــاح علـــــــــــــــــيا بلافـــــون
بــــــــروبلام كبـــــــير: غــــــــدوة نـــــــــبات في كارطـــون
نـــــــــــضارب عــــــــــند المـــــــير، يـــــــسقّم لحــــــــــوال
الــــــــــيوم بارد الــــــــــــــحال disponible مـــــاشـــــــي
نلـــــوح برية في لابوســـت تقـــــول رميت كاغط في لابوبــال
شكاويك جامي يلحقوا، لي كاس قاع فرغـوا مــا فيهمـش المـال
“وبــــابــــا شفــتو يعاني: “خاوتك الصغار بزاف خلاونـــــــي
فـــــــي العيد بــــابــــا جيـــــــبلنا كبش في الدخــــــلة بــــابــــا
كـــــــــــرطابــــــــــــل جديـــــــــــــد في الخرجـــــة بــــابــــا
نزهاو مور لمسيد
راني شايدكم كرهتوا حكايتي، وأنا كتر منكم واليوم جات دالتي
بـــــــــاش نقـــــــــوللكم: سلام عليكم، وغدوة فـــــي الغربـــــة
bonsoir tout le monde !
et bon appét-t !
ouais, bonsoir tout le monde !

[redouane : 3 اللاّزمة]
وا يا يا يو
مر ملّينا مر ملّينا ، مر ملينا هكذا صاير فينا هكدا صايرتلنا
وا يا يا يا
مــــــر مــــــلّينا مـــر مـــلّينا ، لي فينا يكفينا لي فينا يكفينا
وا يا يا يو
مر ملّينا مر ملّينا ، مر ملّينا هكذا صاير فينا هكدا صايرتلنا
وا يا يا يا
مــــــر مــــــلّينا مـــر مـــلّينا ، لي فينا يكفينـــــــــــــــــــــا

[hadjira / redouane / dey med : 2 اللاّزمة]
غــــــريب مرغوم في بـــلاد الرّوم
! أ يـــا يـــا يـــا، أو يـــو يـــو يـــو
غــــــريب مرغوم في بـــلاد الرّوم
يــوم يجيب يوم كاسب غير النجّوم
غــــــريب مرغوم في بـــلاد الرّوم
! أ يـــا يـــا يـــا، أو يـــو يـــو يـــو
غــــــريب مرغوم في بـــلاد الرّوم
يــوم يجيب يوم شكون عليه اللّوم ؟

- mbs lyrics

Random Lyrics

HOT LYRICS