mc dash – ego mayet lyrics
بقالي كتير قاعد فأوضتي مش بطلع الصالة
حاطط فلوسي قدام عيني و سايب عيوبي فالحصالة
الدنيا فيلم 3دي وانا مش معايا نضارة
الواقع عامل زي واحدة شمال بتلبس من زارا
بلاقي حاجات غريبة فدماغي متهيألي عايزة صيانة
الايجو شبه ميت عايز انط مالطيارة
عشان اشوف مستقبلي محتاج مشروب طاقة
عايز قبل مانزل القبر افتكر اشحن باقة
بلاش تناكة كلنا وسخين بشياكة
كلامي جد انا مبهزرش زي راغب علامة
محدش بيمليني كلامي مفيش ريس مليش نقابة
انا الي بسوق فحياتي مبحبش حد يلمس الطارة
هتلاقي عقلي قاعد فمكتب رئيس مجلس الادارة
محدش هيعليني فوق انا مش طيارة
رقصت انا وهي على اغنية واكا فلاكا
خلصت قلتها انتي خليتي باقى البنات شكلهم كاكا
مش بحب اعيد كلامي مش هعمل كوراس
اتعلمت اهم حاجة حب الناس بعد البوناص
الحقيقة واضحة بس الكاميرا اوت اوف فوكس
قافل على نفسي الباب بقيت زي زهرة اللوتس
كله خايف اني اضيع حياتي كلها علفاضي
قالولي عيش الواقع فاكس جو العالم الافتراضي
الفلوس مرهم وكل الناس عندها التهاب
هنا الي بيقول الصراحة بيتحول لكيس شيبسي بالكباب
مش بحب افضل فايق على طول من غير داعي
عايز حاجة حلوة تعمل باك فاير فدماغي
قاعد مخنوق عايز اشم هوا عايز هوا غالي
الاكل استوى هلفه عشان عامل اكل افغاني
الرابرز دول كلهم اقسم بالله ماولادي
عايز اسيب القاهر واروح اعيش فأي وادي
اربي معزتين وطول اليوم بفخفخ على فخادي
وفرصة حلوة بردو عشان الاكس تقدر تنساني
قالتلي روحك حلوة قلتلها اصلها من المانيا
حاولت تضحك معرفتش سبنا بعض بعديها بثانية
الزمن وقف بقالي تلات سنين بعيد فتانية
انا طولت عايز اتني البنطلون تانية تانية
انا شهامة عبد الغفور البرعي و دماغ اسكوبار
مبتعملوش بالاصول اخركوا تقولو كلام كبار
بعمل مستقبل بس اتحرق مني عالنار
كان حلمي اسافر لقيت حلمي سبني وطلع عالمطار
صحابي خيفين اعمل حاجة فنفسي
بيقلولي اطلع مالاوضة في عالم برة مستني
بدور ازاي اعمل اسكيب لحياتي
مش عايز اموت لوحدي عايز اموت بمزاجي
الدنيا عكس السواقة لو كنت فايق هتلبس المطب
مش هتلاقي حب الايام دي كله بيهوك اب
والبنت ايه على انستجرام لو مكنتش فاشونستا
ملهاش لازمة بالظبط زي نشرة الساعة ستة
عايز اتعالج دمرت خلايا كتير فراس شيطان
مكتوب فالسي في بيبيع الشر للشيطان
اكيد هيندم الي لسه بيسأل دا مين
بروح علطول ابيع الميه عادي فحارة السقاين
Random Lyrics
- ilari – kato ku mä tanssin lyrics
- the romantics – rhythm romance lyrics
- bit$u – speech intro lyrics
- jam baxter – husk lyrics
- ovadia – higher lyrics
- los marismenos – una oración rociera lyrics
- the spencer davis group – keep on runnin’ – re-recorded lyrics
- eric “iq” gray – the snakes movin’ real slow lyrics
- edward scissortongue – garotte lyrics
- shabazz pbg – kiss it better/needed me (freestyle) lyrics