a b c d e f g h i j k l m n o p q r s t u v w x y z 0 1 2 3 4 5 6 7 8 9 #

mohamed rashad - ebn elasl lyrics

Loading...

متخافش من ابن الأصل اللي اتربى عالعز زمان
والدنيا لفت بيه كام لفه و داق المر كمان
خاف م اللي جديد عالعز و امبارح كان أصله جعان
هيبعيك أول فرصة و ساعتها الأصل يبان

متخافش من اللي امبارح متربي قوي كده عالغالي
يعني ابن أصول و رجولة وجدعنه وقت الشده يبان
خاف م اللي جديدع العز دا اللي ملوش لا عزيز ولا غالي
لما بحتاجله يسيبك يختفي ولا لحظة يبان

عجبي ع الدنيا اللي تخلي الأصل فلوس
وتكبر فيه و تعلي وكأنه لقى فجأة فانوس
بس متتتغرش قوي أصل الوضع ده كده كده معكوس
أوله نفخة و كدابة آخرته شكة دبوس
اتعلم تبقى معلم دايما تلعب في المضمون
وانت اللي بترجع تزعل وتقول اصله طلع فرعون
اللي مبيصونش العشرة مايلزمناش وكمان ملعون
خليك مع ابن الأصل للعيش والملح يصون

آه يا عم دي مهيش دايمة قالوها زمان كده في الامثال
الدنيا دي رايحة و فانية دوام الحال انساه ده محال
بس الدنيا دي بتعلم والدرس فهمناه واتقال
الأصل ده دايما غالب والراحة في راحة البال

عجبي ع الدنيا اللي تخلي الأصل فلوس
وتكبر فيه و تعلي وكأنه لقى فجأة فانوس
بس متتتغرش قوي أصل الوضع ده كده كده معكوس
أوله نفخة و كدابة آخرته شكة دبوس

- mohamed rashad lyrics

Random Lyrics

HOT LYRICS

Loading...