mou3ad orage - tayr hor الطـــير الحــــر lyrics
[المقطع الأول]
لكان كلامي يقيس خاطر لي تجرحو أم كثير
مادابيا كلامي يمسح الدمعة مالعين
علاه تلومونا كي درنا الفن خير من لي نديرو حاجة عيب
“كي يتلم عليا الغم لي يفرج ربي لحبيب”
جامي كنا كيما حبوا هوما يحبوك ذليل
شروق الشمس عاد يخوّف أكثر من ظلام الليل
كيفاه تكون إنسان ؟ والإنسان في بلادي عليل
! قلي وش يدير الميت في يد غسالو يا حليل
l’épaule قفلو علينا باب حديد حليناها بـ
ماعندناش كتاف مي عندنا دراع لي جامي يخون
لاشونس مازالت حالفة عليا ديـفورسي
لارييسيث يا لوكان نزوجها مارياج فورسي
أقعد تقاسي .. أقعد قابع فالقبوْ
ما يحبوش تشعلك شمعة يحبوك طافي عليك الضوْ
درنا ديبلوم قالونا سلاح حطوه فالجيب و ما تخافوش
مي وش لفايدة يكون عندك سلاح ما فيهش الكرثوش
[اللازمة]
نمشي للقدام ما علابالي بحتى انمي
خليهم يبكيو، خليهم يحكيو في ظهري
نواجه بصدري، هذايا زهري
نعيش كي الطير الحر حتى نتحط في قبري
[المقطع الثاني]
إذا ما رتحلكش قلبي يعني راني شميت فيك اللوش
حبهم مصلحة معريفتهم خسارة ما يتعاشروش
لي نهش لحمي و غتابني في ظهري بالمنشار
“الرجال تقابل ما تتخبا ما تغدر فالظهر”
ما نآمن فالعباد لا فالقلوب خاطر تتقلب
و الخبيث يتكشف أيام ولا أعوام مام يطوّل
ما تقدرش تعرف وش مخبيين فالقلوب
“ماعادوش يديرو دي ماسك أم عادو يلبسو لي كاغول”
ستنيناها مالاعداء لقراب لي غدرو بينا
طحنا و كي نضنا خيطنا الجرح بيدينا
توكلهم بيدك كي يشبعو ياكلولك صوابعك
لي عماتو الغيرة قادر يدير كلش باش يحطمك
قليل الاصل دير فيه الخير صدر روحك لشرّو
مشني نيجزاجيري يحسو بكلامي غير لي نضرّو
وجه النية ما عادش معروف ووجه لخروف يعرفوه الذيابة
كون جات الحيلة تربّح راهو الثعلب ملك الغابة
[اللازمة]
ماشي للقدام ما علابالي بحتى انمي
خليهم يبكيو، خليهم يحكيو في ظهري
نواجه بصدري، هذايا زهري
نعيش كي الطير الحر حتى نتحط في قبري
[المقطع الثالث]
الكل حابين يديروا الراب و الفن عندو ناسو
كل واحد يعرف قدرو و كل واحد يلبس قياسو
الراب لي نديروه حنا هوما أصلا ما يعرفوهش
“حبو يحبسونا مي دوماج ما قدروش ”
الحلم حق مشروع جامي خافنا مالعراقيل
سقسي لي وقفوا قدامي و أحسب قداه نفيكتيم
10 سنين و أكثر فن و مازالني نحارب
بين ديزيسبوار لي ساكريفيس و التجارب
راب .. كونسيو في زمان لانكونسيونس
هي السبيل في مجتمع يقيمو الفنان بكثرة التصفيق
جامي طيحنا خشمنا بش نطلعو كيما هوما
و جامي درنا الراب لي داروه هوما
درنا كلش بذراعنا من تحت الارض سمّعنا الصوت
كسر الجدار خلي الإسم يعبر الحدود
كتبنا لكتيبة بدمنا شاحت فوق الورق
منا على سنين تولي خريطة نخرجوا بيها من النفق
[اللازمة]
ماشي للقدام ما علابالي بحتى انمي
خليهم يبكيو، خليهم يحكيو في ظهري
نواجه بصدري، هذايا زهري
نعيش كي الطير الحر حتى نتحط في قبري
Random Lyrics
- neon casino - blackwater voodoo lyrics
- cornelio reyna - me caiste del cielo lyrics
- rahmeen - swiftly lyrics
- corey yanks - coast lyrics
- chronixx - sell my gun lyrics
- lord mob di - waterwalker lyrics
- melanie martinez - strawberry shortcake lyrics
- 10faced - vbt elite 2016 qualifikation lyrics
- jeankarl - regálame solo un beso lyrics
- fbc - faça valer lyrics