a b c d e f g h i j k l m n o p q r s t u v w x y z 0 1 2 3 4 5 6 7 8 9 #

moudy alarbe مودي العربي - do you remember ? / تتذكّر ؟ lyrics

“كلمات مودي العربي “تتذكّر؟[المقطع الأول]
بتتذكر كيف كانت حلوة بلدنا
بتتذكر كيف كنا اخوة سوا مع بعضنا
بتتذكر اي بنص الليل نشكل حارات الشام
بتتذكر كانو يقولو سوريا أرض السلام
بتتذكر كنا بلحظة نقرر نطلع على البحر
بتتذكر كانو يقولو سوري وكنت تحس بالفخر
بتتذكر الناس عايشة درواشان بس مبسوطة
بتتذكر يوم الجمعة سيران العيلة بالغوطة
بتتذكر الخنائة بالسهرة ع لعبة شدة
بتتذكر صوت ام كلتوم مع قرقعة المتة
بتتذكر لعبة الطابة تحت بالحارة
بتتذكر وش الصبح طلعة قاسيون بالسيارة
بتتذكر كيف ما كان في عجئة عالمخابز
بتتذكر شوارع البلد بدون حواجز
بتتذكر إسلام بالكنيسة نشعل شمعة
بتتذكر كنا شعب بدون طوائف

[قطعة موسيقية]

[المقطع الثاني]
فرقونا بعد ماكنا ئلب واحد
ئسمونا وعلئونا بشظايا الكره والغل
عم نئتل بعض بيكل دم بارد وصورونا
كأنا فلم كوميدي عم يضحكو شتتونا
من بيوتنا من بلدنا هنن هجرونا
يا ما لاجئو لعنا بكره عندون لجئونا
شمتو فينا لعبو بإسمنا كأنا كرة سلة
من أيد لأيد كلامون فينا حقد مع مزلة
خلونا نعرف متأخرين انو العرب مجرد إسّم
والأمة العربية نكتة بتسبب بكاء الضحك
لكنا عايشين والحياة لتغيرت
رغم الحواجز والحارات والطرئات لتسكرت
والاسس لتغيرت وحسن الاهر صار مشدود
على الخطف والدبح والكف ألي ع طول بإيدي
لانو ابو الفرات وعبد الكريم شدود
سوريين حساسوني انو الحب لسا بيسوريتي

[قطعة موسيقية]

[المقطع الثالث]
عصوت مدافع لرصاص ألم هاون القصف
دم الشوارع عم تصرخ ببرد العصف
صرت مرعوب عم يرجف خوف بألم عم يحاكيني
رفيقي بحلب خايف يموت ع أهلو عم يوصيني
طمن علي بضحكة وجع طلعة غص من عنو
طلعة منو لكنو حبس بدخلو صرحة دمعة
عم تبكي من عيونو على جفونو هربت منو
ألي حلب يا ما بنورا عايشة ع ضو الشمعة
عم تموت وتصرخ عم تبكي وتنادي
خيفانة موجوعة عتبانة
وين الناس ياما أكلتو لوقت الجوع تخلو عن ولادي
باعوني وقت عتزتون ع آلامي عم ينداس
لا ياحلب انتي الكرم انتي السوريا يا شهبا
بعرف تعبانة من الحرب عيونك بدا تغفى
قبل مايسكر أمني وقلي ياصاحبي اشهد
اني شامي دافع عن حلب وعلى أرضا ستشهد

[قطعة موسيقية]

[المقطع الرابع]
ما راح انسى رفيقي خيي يلي مات
ئبل سنين لما ختلفنا وتلاسمنا بالكلمات
هو رأي وانا رأي وصلنا لطرق عقيمة
بسبب السياسة نسينا كل الأيام القديمة
صرنا أعداء بحقد نحكي على بعضنا
تهمني بالتشبيح تهمتو بخيانة بلدنا
ولما مات نسيت الخلاف وتذكرت أنو رفيقي
يا لي ما توفى ولسى عايش كأن أيدو بإيدي
شفت صورنا وكل ذكرى حلوة كانت فينا
ندمت كيف السياسة أثرت علينا
كرّهتني في أخي ، كرّهتو فيّي
هو نفسو لما يتعب كان بيتكّى عليّي
ايدو بايدي حتى نطلع، نبدي طارق راح نزالم
لما اختلفنا وكل واحد فينا قرر يحمل علم
من شخص واحد لاثنين كل واحد حمل تصميم
نسينا انو القلب واحد عربي سوري للصميم

[قطعة موسيقية]

[المقطع الخامس]
وتذكر ..شكل الدمار اللي ببلدنا
وتذكر ..كيف صرنا نكره و نقتل بعضنا
وتذكر ..انه ما عاد فيك بليل تمشي بلشام
وتذكر ..بلدنا اللي صارت مدينه اشباح
وتذكر ..انه انحرمنا من ريحه البحر
وتذكر ..لانك سوري ذلوك بدال الفخر
وتذكر..الناس الزعلانه اللي ما عادت مبسوطه
وتذكر ..الكيماوي اللي قتل اولاد الغوطه
وتذكر..الخنائه انت و معارض او مؤيد
وتذكر..انك عالموت هلأ صرت متقيد
وتذكر..رفقاتك اللي استشهدوا من الحاره
وتذكر..مشان اللقمه ندوق طعم المراره
وتذكر..كم خنائه في ععجئه المخابز
وتذكر..انك تنسى شكل الشام بدون حواجز
وتذكر..انه الاخ علا اخوه ما عاد سلم
وتذكر ..انه بلدنا بأيدنا صارت جهنم

[قطعة موسيقية]

- moudy alarbe مودي العربي lyrics

Random Lyrics

HOT LYRICS