muslim مـسـلـم - 7yat lil | حياة اللّيل lyrics
هاذي قصة دواحد عندو الفلوس بزاف
ماعرفشي يختر كيف يعيش ولا كيف يموت
كيفما ديما شابر الطبلة، الشراب الغالي غير مهرق
الفلوس بزاف و الصالة مقربلة
رجل فوق رجل حڭار بالضحكة يقتل
يدي عينو فالبيستة شاعلة
مثقل بالذهب، لابس غير الماركة
وجياب بلان خونا پانڭة
عايق بالحشرافة و اللي دايرين بيه هرافة
وعدوه ملي شافُ تفافا
وحروفو خانزة غي على سبَ يسب
البنات يتسناو منو غمزة
كيبان لهم همزة شباكي مشبكة
و اللي شلطاتو هي القافزة
كلشي خدام كلشي كايتسخر
غير بصبع بلانطو جا بلانطو توخر
عمارة طالعة وعمارة مشات فالمنخر
فلوسو فحال الما طاح و تبخر
هادي هي حياة الليل حياة مقودة حياة معاودة الحياة الساودة
ماترتاح فحياة الليل لا فالفوضة لا فالضوضة لا فالروضة
هادي هي حياة الليل حياة مقودة حياة معاودة الحياة الساودة
ماترتاح فحياة الليل لا فالفوضة لا فالضوضة لا فالروضة
بلانطوس يزلقُ فالكلام ويسمعوه المديح
إذا قال أنا كانطير كلامُ ديما صحيح
كابا ديالو شابعة مسيح ثايق فراسو مليح
الفلوس بزاف ردوه مفَرْعَن قلبُو قبيح
فمو محلول بزاف يهدر غير بالـأنا و أنا
كل مرة عندُو طبيعة كل مرة عندُ ڭانة
مرة يبغي نحلة مرة يعشق ذبانة
مرة يعطي قرعة مرة يلبس لاجوانـا
ملي الحشرافة يتحشرفُو هو عندُ متعة
دايماً راس دالسوق دايماً الراس دالڭطعة
يدُو ديما ممدودة نلي يبوسها و يرَطْعَهَا
أما اللي جاها بنفسُ خلالُ فقلبو نطعة
مكرهشي يشري أي حاجة ماشي محتاجها
مكرهشي يملك البحور يتحكم فماجها
خونا مريض و سبابو فلوسُ
شحال من ذباح ذبحُ موسُ
هادي هي حياة الليل حياة مقودة حياة معاودة الحياة الساودة
ماترتاح فحياة الليل لا فالفوضة لا فالضوضة لا فالروضة
هادي هي حياة الليل حياة مقودة حياة معاودة الحياة الساودة
ماترتاح فحياة الليل لا فالفوضة لا فالضوضة لا فالروضة
شراب بدا طالع فيه حس براسُو بدا كايدوخ
الليل باقي طويل لازم يفتّح المُخ
بانتلو يغبر فوق الطبلة سطر
قلب فلِّي كانو معاه جرا عليهم وقَطَّر
كلشي ناض من حداه خلاوه بوحدو ينفّح
شرط كرط والو باقي مارتاح
مخُو باقي مشدود و السكرة مابغات طير
الغبرة دالعة مكان علاش التسطير
كيلو دالكوكا فوق الطبلة
وجهو مخشي فيها يكلها كول تنفيحة للمخ واصلة
صداع بزاف دالموسيقا شاعلة
ناس خارجة داخلة بيستا نايضة مخبلة
ناس عقلها غابلة ناس تصطاد الغفلة
ناس باغة تربلها
ناس مزرفين ناس،وناس غير سحابلها
حتى طلع الصباح سلات الحفلة
عاد ردُ البال لخونا مات فوق الطبلة
هادي هي حياة الليل حياة مقودة حياة معاودة الحياة الساودة
ماترتاح فحياة الليل لا فالفوضة لا فالضوضة لا فالروضة
هادي هي حياة الليل حياة مقودة حياة معاودة الحياة الساودة
ماترتاح فحياة الليل لا فالفوضة لا فالضوضة لا فالروضة
هادي هي حياة الليل حياة الحفاري حياة الزهو حياة الزواق و النفاق، متما والو خوتي هادي قصة دواحد نتمنى تديو منها العبرة
هادي هي حياة الليل حياة مقودة حياة معاودة الحياة الساودة
ماترتاح فحياة الليل لا فالضوضة لا فالفوضة لا فالروضة
هادي هي حياة الليل حياة مقودة حياة معاودة الحياة الساودة
ماترتاح فحياة الليل لا فالفوضة لا فالضوضة لا فالروضة
Random Lyrics
- nizlopi - clear lyrics
- caspa - lon-don city lyrics
- flatline (band) - fox and stag lyrics
- horseshoe g.a.n.g - trust the shoes lyrics
- revenge of the nerds - game over lyrics
- grm daily - ambush daily duppy lyrics
- giorgia - l'eternit¿ - live lyrics
- cyhi the prynce - like a swinger lyrics
- destorm - sexy abc's and 123's lyrics
- lil d-trouble - 4/20 special lyrics