muslim مـسـلـم - katjiba | كاتجيبة lyrics
[المقطع الاول]
هاذي أم ماشية فالليل هازة ولدها
دمعة حارة فخذها تسيل تبكي على الكبدة
جا تنيجة غلطة و الأب بدل جلدة
حيت يماها فلوس وهي غير خدامة عندها
و ماعندها لاين ما عارفة شعاتعمل بيه
كيفاش عتعيش ما دابا نفوق كيفاش عتربيه
قلبها كايتقطع ملي كايبكي و هي كاتشوف فيه
من غير لحليب لي في سدرها و ما عندها ما تعطيه
لواتو فبطانية و نزلاتو فالقنت و مشات
خطوات قليلة و من بعد وقفات
ملي سمعت البكية ديالو كتهرس السكات
دارت شافت فيه شوفة الوداع و جرات
خلاتو يعيش في حضان الناس احسن ما يموت في حضنها
الظروف الي جعلت الأم تتخلى على بنها
سمحت فيه و مشات و بقى مجرد ذكرى
و عارفة بلي ملي يكبر محال يعذرها
[اللازمة] (x2)
كاتجيبة
كاتشوف شي ناس قريبة
كيعملوا شي حاجات غريبة
ملي حياتهم كاتولي صعيبة
حيت الظروف كتجيبة
[المقطع الثاني]
هذا واحد كان عشير مبلي بالدمعة
دالع، فالزناقي موسخ يطلب و يسعى
مركوزة فيه حتى لعظم حرافتلو يقطعا
بزز منوا يحضر لفلوسة حيت المونو يرعى
و حيت مبلي هذي سنين ما كافيشي يردعا
كاحتاج منها بزاف حتى ولى فدمو يزرعا
كي يجمع درهم بدرهم و باقي ما جمع والو
كلشي عايق بيه مبلي و العالم كي يسالو
مشى كا يتلوى عند البزناز باغي غير شي بورصة
قلب فيه جرى علي حيت فلوسو ناقصة
ما بقالو فين يعطي الراس و مشى كا يجري للدار
يماه مسكينة مرة كبيرة و باه فالقبر
اداالها التلفزة صاحا و غير فالحومة باعها
مشى بزربة جاب السخرة و من ديك ساعة
ما بان وظهر
حتى دلع فالحومة لخبر
بلي جبروه فواحد الخربة مات مكوفر
[اللازمة] (x2)
[المقطع الثالث]
هذا أب خارج يخدم على ولادو فخمسة دالصباح
قاصد طريقو داخل سوق راسو فهمومو يسرح
باش يختصر الطريق دايز غير بين الدروبة
درب مشبك بدرب ماشي بخطوات مزروبة
وقفوا عليه ثلاثة ملثمين فيدهم السلاح
كالاوه مع الحيط فتشوه ما جبروا ما يتزداح
الشمتة زادت فالمونو زادوا ولاو قباح
بداو كايضربوا فين ما جات قلوبهم قساح
مسكين كايشوف الروح ديالو قريبة تخرج منو
كيقطعوا فيه غير بالضحك دراري كا يتفننوا
أي واحد كي يشوف الموت كا يدافع على راسو
واحد فيهم كان قريب حيت تايق فراسو
ما نواشي فراجل كبير عيضربو بسمة فراسو
عيجيبو كاو فالارض و عيقطعلو نفاسو
مسكين كان ماشي غير يخدم صدق غارق فالحبس
حيت جابته الظروف كان لازم الدفاع عالنفس
[اللازمة] (x2)
Random Lyrics
- whysir - without you lyrics
- aleksander denstad with - a little too perfect lyrics
- blak ryno - seh dem yuh fren lyrics
- jill johnson - hennes ögon lyrics
- patty loveless & travis tritt - out of control raging fire lyrics
- rata blanca - guitarra española lyrics
- allâme - şehir lyrics
- monduba crew - mdbsp lyrics
- under everyone - rich girls lyrics
- slade - one leap lyrics