mediaeval baebes – undrentide lyrics
befell so is the comessing of may
when mirry and hot is the day
(and) oway beth winter shours
and every feld is full of flours
and blosme breme on evry bough
overall wexeth mirry anough
this ich quene dame heurodis
took two maidens of pris
and went in an undrentide
to play by an orchard side
to see the floures sprede and spring
(and) to here the fowles sing
they set hem down all three
under a faire impe-tree
and wel sone this faire quene
fell on slepe opon the grene
the maidens durst hir nought awake
bot lete hir ligge and rest take
(so) she slepe till after none
that undrentide was all ydone
(that undrentide was all ydone)
ac as sone (as) she gan awake
she cried and lothly bere gan make
she froted hir honden and hir feet
and cracched hir visage, it blede weet
hir riche robe hie all to-rett
and was reveyd out of hir wit
the two maidens hir beside
no durst with hir no leng abide
bot urn to the palais full right
and tolde bothe squier and knight
that her quene awede wold
and bad hem go and hir athold
knightes urn and levedis also
damisels s-xty and mo
in they orchard to the quene hie come
and hir up in her armes nome
and brought hir to bed atte last
and held hir there fine fast
ac ever she held in o cry
and wolde up and owy
Random Lyrics
- mediaeval baebes – the sour grove lyrics
- mediaeval baebes – there is no rose of swych vertu lyrics
- mediaeval baebes – the woods and the rivers are silent lyrics
- mediaeval baebes – this ay nicht lyrics
- mediaeval baebes – veni coronaberis lyrics
- mediaeval baebes – verbum caro lyrics
- mediaeval baebes – waylaway lyrics
- mediaeval baebes – when thy turf is thy tour lyrics
- media lab – bleeding memory lyrics
- media lab – as the stars melt away lyrics