naam sujal - blind spot lyrics
[verse]
utha subeh, 5 baje
haatho mein notes aankho mein neend
jo 4 se hai bajra alarm woh kara band
halaato ke bojh kaano mein leen
fhir laaya mooh kambal se bahar
karna chaahu mukammal yeh khwaab saare
chote karam, mukh ambar samaan liye
inn gaano ke raag taano ne chheen
aur inhi saale taano ne sikhaaya ki
aage tangi ghadi yeh dilaaso se naa thairegi
mere papa ne unke adhoore khwaab thhe dhakele
mere kandho pe bina soche ki mere bhi
honge thode aise hi chote+mote sapne
par inn sapno ka nahi mol zimmedaariyon sе zyaada
thha karna ek example sеt meri choti behen keliye
usse raah kon dikhaata
toh main laga+pada, ghuta+galaa, 2 saal, mari kalaa
dost+yaar sabhi gawah, josh haar bali chadha
roz jhaad deta naya rishtedaar nayi salah
bas dekha meri behen ke taraf aur socha lagaa reh
marks khareedlu papa ki nahi utni pagaar hai
par mehnat thhi, halaatein g+yi sudhar
sab thha theek, haftaa bacha tha exam ko
thha main khush tabhi shaam 5 baje
daadi g+yi guzar
aisa laga bacha seene mein nahi kuch
jab dikhe wajah jeene mein nahi kuch
main rota baithaa kamre mein
mummy aayi sehmi hui, baithi
diye saikdon dilaase ki roo mat, ho shaant
hai woh behtar ek jagah pe, thoda padh le
abb faasla nhi aansuo aur panno mein
ummedein aur arthi abb dono mere kandho pe, le chala
gya exam hall mein
ghanto baad, aake bola papa paper gya theek
aaya phir result ka woh din
malum pada news mein thha saala paper g+ya leak
25 lakh sapne toote kuch hazaar maange bheek
aadhe aaj bhi rhe cheekh, aadhe utare ganga+ghat
jo 16 mein agency phaade students ke hi kapde
24 mein raeeso ke paiso pe woh kar rahi nanganaach
yeh hai desh mera, aur yahi jaanta nhi desh
ki yaha aadha youth apne kal ko maanta nhi safe
bas kasht se marrte yahape customers saare
aur khaata pet bhar jo hai khandaani seth
yeh jaankaari le mere gharwaale soche beta bane doctor
milenga bhagwaan ka darjaa
par darje ka rakhe mol, jab woh jaan’e hai bacha rahi
toh tadapke aadhi raat mein bhagwaan hi kyu martaa
mujhe nahi banana meri choti behen ko doctor
main nahi chahta hojaaye uske saath kuch
aur naam keliye mombattiyaan jale bas chowk par
par jale naa rapist ki laash
kyu rehti jaali hai harr tehkikaat
hai iss system ne maara boht maasoomo ko
sawaal hai ki hai rha tu karr kiski baat?
5 attempt baad rote hue mein lagaali usne faasi
hai raha tu krr kiski baat?
air1 ne bhi krliya suicide
hai raha tu kar kiski baat?
par hu raha mai krr jiski baat
woh nhi dekhta gardish mein jaat
woh bas bole ki tu rukk mat
awaaz bann, ek din sununga harr kisiki baat
Random Lyrics
- badvillain - 숨 (zoom) lyrics
- syn suitcase - it ain't what it ain't lyrics
- polimá westcoast & bhavi - estrellas lyrics
- the cabs - 解毒される樹海 (gedoru sareru jukai) lyrics
- oesch's die dritten - wenn die sonne erwacht in den bergen lyrics
- boodwah - marmite kisses lyrics
- polygonizeblue - back (remix) lyrics
- creative mind frame (1-up) - sonic (hilltrap) lyrics
- n.flying - 不熄的焰火 (hot potato) (chinese ver.) lyrics
- gama - em lyrics