a b c d e f g h i j k l m n o p q r s t u v w x y z 0 1 2 3 4 5 6 7 8 9 #

old blind dogs - bogie's bonny belle lyrics

[verse 1]
ae whitsunday in huntly toun
it’s there i did agree
wi bogie side o cairnie
his six+months for tae fee
tae drive his twa best horses
likewise his cairt and plou
and tae dae a thing aboot the fairm
that richt weel i coud do

[verse 2]
nou bogie haed a dochter
wha’s name was isabelle
the flouer o her nation
thare’s nane her coud excel
she haed rosy cheeks and ruby lips
and hair o darkest hue
she was neat, complete and handsome
and comely for tae view

[verse 3]
onе day she went a+ramblin
and chose mе for her guide
tae tak a pleasant walk wi her
alang by cairnieside
i’ve slipped my airm aboot her waist
and tae the groond did slide
and it’s thare i’ve haed ma first braw nicht
wi the belle o bogieside
[verse 4]
the blackbird sang sae sweetly
the mavis sang sae shrill
and aw the chorus o their sang was
“there lies bogie’s belle”
amang the weeds o cairnie
upon the grass sae green
then she and i rose up again
for fear we wad be seen

[verse 5]
ere twenty weeks haed passed and gone
this lassie lost her bloom
her rosy cheeks grew pale and wan
and she began tae swoon
ere forty weeks haed passed and gone
this maid brought forth a son
and i was quickly sent for
tae see whit coud be done

[verse 6]
auld bogie heard my story
and cried, “i am undone
since ye beguiled my dochter
my sorrows are begun,”
ah says, “auld man, ye’re fairly richt,”
and i hung my heid in shame
“i’ll mairry belle the mornin
a’ll gie the bairn my name,”
[verse 7]
but though i said i’d wad the lass
na, na, that wadnae dae
“ye’re nae a fittin match for belle
nor she a match for ye,”
and he sent me packin doun the road
wi nae penny o ma fee
sae aw ye lads o huntly toun
a lang fareweel tae ye

[verse 8]
and nou she’s mairried wi a tinklerlad
whase name is soutar john
he hawks his pans and ladles
aroon’ by fogieloan
and maybe she’s got a better match
auld bogie canna tell
but it’s me wha’s taen the maidenheid
o bogie’s bonnie belle

- old blind dogs lyrics

Random Lyrics

HOT LYRICS