ougenweide – durch den ermel gat daz loch lyrics
“fröut iuch, fröut iuch
fröut iuch, junge und alte
meie, meie
der meie mit gewalte
winder, winder
wwinder hât verdrungen
bluomen, bluomen
bluomen sint entsprungen
wie schön diu nahtegal
ûf dem rîse ir süeze wîse
singet wünneclîchen schal
walt, walt nu schöne loubet
mîn muoter niht geloubet
der joch mit einem seile”
so sprach ein maget geile
“mir bunde einen fuoz
mit den kinden zuo der linden
ûf den anger ich doch muoz.”
daz gehörte ir muoter
“jâ swinge ich dir daz fuoter
jâ swinge ich dir daz fuoter
mit stecken umbe den rugge
vil kleine grasemugge
vil kleine grasemugge
wâ wilt dû hüpfen hin
ab dem neste? sitze und beste
mir den ermel wider in!”
“muoter, mit dem stecken
sol man die runzen recken
sol man die runzen recken
den alten als eim sumber
noch hiuwer sît ir tumber
noch hiuwer sît ir tumber
dan ir von sprunge vart
ir sît tôt vil kleiner nôt
ist iu der ermel abe gezart.”
uf spranc sî vil snelle
“der tievel ûz dir belle
der tievel ûz dir belle
ich wil mich dîn verzîhen
dû wilt vil übel gedîhen
dû wilt vil übel gedîhen.”
“muoter, ich lebe iedoch
swie iu troume, bî dem soume
durch den ermel gât daz loch
durch den ermel gât daz loch
durch den ermel gât daz loch
durch den ermel gât daz loch.”
Random Lyrics
- the robot ate me – all good things lyrics
- djadja & dinaz – bécane volée lyrics
- syny – kiedyś byliśmy królami lyrics
- warpstar ワープスター – lucid dream lyrics
- patricia taxxon – sovereign citizen of the arts lyrics
- molotyyspays – the flow lyrics
- awolnation – table for one (remix) lyrics
- seacoast worship – lament lyrics
- c3 music – bless lyrics
- ismaeil tamr – mali kafeer / مالي كافر lyrics